ചെര്‍ക്കള (കാസര്‍കോട്) : കാസര്‍കോട് ചെങ്കള ബേര്‍ക്കയിലെ സ്വകാര്യ വെളിച്ചെണ്ണ ഗോഡൗണില്‍ ഭക്ഷ്യ സുരക്ഷാവിഭാഗം നടത്തിയ റെയ്ഡില്‍ 5000 ലിറ്റര്‍ മായം കലര്‍ന്ന വെളിച്ചെണ്ണ പിടികൂടി. 

ബേര്‍ക്കയിലെ സന ട്രേഡേഴ്‌സിന്റെ ഗോഡൗണില്‍ നടത്തിയ റെയ്ഡിലാണ് മായം കലര്‍ന്ന വെളിച്ചെണ്ണ കണ്ടെത്തിയത്. ഇത് വിശദ പരിശോധനക്കായി കോഴിക്കോട്ടെ ഭക്ഷ്യസുരക്ഷാ ലാബിലേക്ക് അയച്ചു. ഭക്ഷ്യ സുരക്ഷ അസിസ്റ്റന്റ് കമ്മിഷനര്‍ സി.എ ജനാര്‍ദ്ദനന്‍, ഫുഡ് സേഫ്റ്റി ഓഫിസര്‍ നിത്യ ചാക്കോ എന്നിവരുടെ നേതൃത്വത്തിലായിരുന്നു റെയ്ഡ്.
നിരോധിച്ച പാലക്കാട്ടെ അഫിയ കോക്കനട്ട് ഓയില്‍ പേര് മാറ്റി 'കേര വാലീസ് അഗ് മാര്‍ക്ക് സെര്‍ട്ടിഫൈഡ് പ്രൊഡക്ട്' എന്ന പേരിലാണ് വ്യാജ വെളിച്ചെണ്ണ വീണ്ടും വിപണിയിലെത്തിച്ചത്.