ശ്രീനഗര്‍: കശ്മിരില്‍ ഇനി വനിതാ കമാന്‍ഡോകളും രംഗത്ത്. സൈനികര്‍ക്കു നേരെ ആക്രമണം അഴിച്ചു വിടുന്ന വിഘടനവാദികളെ നേരിടാനാണ് വനിത കമാന്‍ഡോകള്‍ എത്തുന്നത്. സൈനികര്‍ക്കു നേരെ കല്ലെറിയുന്ന സംഘങ്ങളില്‍ സ്ത്രീകളും വ്യാപകമായി കൂടിയതോടെയാണ് പുതിയ നടപടി. 

സെന്‍ട്രല്‍ റിസര്‍വ് പൊലിസ് കമാന്‍ഡോസിന്റെ നേതൃത്വത്തിലാണ് വനിതകള്‍ക്ക് പരിശീലനം നല്‍കുന്നത്. കടുത്ത ശിക്ഷണമാണ് ഇവര്‍ക്ക് നല്‍കുന്നത്. ഏതു സാഹചര്യങ്ങളെയും നേരിടാന്‍ പര്യാപ്തമാവുന്ന പരിശീലനം വനിതകള്‍ക്ക് ലഭിക്കുന്നുണ്ട്. കശ്മിരില്‍ സൈനികര്‍ക്കു മാത്രമല്ല സിവിലിയന്‍മാര്‍ക്കും വിനോദ സഞ്ചാരികള്‍ക്കും കല്ലേറില്‍ പരുക്കേല്‍ക്കുകയും മരണം വരെ സംഭവിക്കുകയും ചെയ്തിരുന്നു. കഴിഞ്ഞ മെയ് 7ന് തമിഴ്‌നാട് സ്വദേശിയായ വിനോദസഞ്ചാരി നര്‍ബല്‍ മേഖലയില്‍ കല്ലേറില്‍ കൊല്ലപ്പെട്ടിരുന്നു.