വെള്ളറട : ബൈക്ക് മോഷ്ടാക്കളായ മൂന്നംഗ സംഘം പൊലിസ് പിടിയിലായി. ഇവരില്‍ രണ്ടുപേര്‍ പ്രായപൂര്‍ത്തിയാകാത്തവരാണ്. സംഘത്തില്‍ നിന്നു രണ്ടു ബൈക്കുകളും പിടിച്ചെടുത്തു. കുളത്തുമ്മല്‍ ആമച്ചന്‍ ചന്ദ്രവിളാകത്ത് വീട്ടില്‍ ശരത്(20), മറ്റു രണ്ടു കുട്ടികളുമാണ് പിടിയിലായത്.  വെള്ളറട പൊലിസ് നടത്തിയ വാഹനപരിശോധനക്കിടെയാണ് ഇവര്‍ കുടുങ്ങിയത്.  മോഷ്ടിച്ച ബൈക്കുകളില്‍ കറങ്ങി നടക്കലും പിന്നീട് അത് വിറ്റ് കാശുണ്ടാക്കുകയുമാണ് ഇവരുടെ പതിവെന്ന് പൊലിസ് പറഞ്ഞു.