കാസര്‍കോട്: മാവേലി സ്റ്റോറില്‍ വെള്ളം കയറി ഭക്ഷ്യധാന്യങ്ങള്‍ കുതിര്‍ന്നു. റെയില്‍വേ സ്‌റ്റേഷന്‍ റോഡില്‍ തായലങ്ങാടിയില്‍ പ്രവത്തിക്കുന്ന മാവേലി സ്റ്റോറിലാണ് ഇന്നലെ വെള്ളം കയറിയത്. രണ്ട്ചാക്ക് അരിയും മറ്റ് ഭക്ഷ്യധാന്യങ്ങളും വെള്ളത്തില്‍ കുതിര്‍ന്നു.
കഴിഞ്ഞ ദിവസം മാവേലി സ്റ്റോര്‍ പ്രവത്തിക്കുന്ന കെട്ടിടത്തിന്റെ പിറകുവശത്തെ സ്ഥലത്ത് മണ്ണുമാന്തിയന്ത്രം ഉപയോഗിച്ച് നിര്‍മാണ പ്രവൃത്തി നടത്തിയിരുന്നു. ഇതോടെ ഇതുവഴി ഒഴുകുകയായിരുന്ന മഴവെള്ളം മാവേലി സ്റ്റോര്‍ പ്രവര്‍ത്തിക്കുന്ന കെട്ടിടത്തിന്റെ പിറകുവശം കെട്ടിനില്‍ക്കുകയായിരുന്നു. ഈ വെള്ളം മാവേലി സ്‌റ്റോറിന്റെ ചുമരിന്റെ വിള്ളലിലൂടെ ഭക്ഷ്യസാധങ്ങള്‍ സൂക്ഷിച്ച മുറിയില്‍ എത്തുകയായിരുന്നു. ഇന്നലെ രാവിലെ മാവേലി സ്റ്റോര്‍ തുറന്നപ്പോഴാണ് ജീവനക്കാര്‍ വെള്ളം കയറിയത് കണ്ടത്.
ഇതിനിടയില്‍ തന്നെ രണ്ട്ചാക്ക് അരിയും കുറച്ച് ഭക്ഷ്യധാന്യങ്ങളും കുതിര്‍ന്നിരുന്നു. സംഭവത്തില്‍ മാവേലി സ്‌റ്റോര്‍ മാനേജര്‍ ജനാര്‍ദ്ദനന്‍ ടൗണ്‍ പൊലിസില്‍ പരാതി നല്‍കി.