തിരുവനന്തപുരം: കൊവിഡ് രോഗവ്യാപനവുമായി ബന്ധപ്പെട്ട് ഒരു വിവരവും മറച്ചു വച്ചിട്ടില്ലെന്ന് മുഖ്യമന്ത്രി പിണറായി വിജയന്‍. കേരളം കൊവിഡ് വിവരങ്ങള്‍ മറച്ചുവയ്ക്കുന്നു എന്ന പ്രചാരണം ആസൂത്രിതമാണ്. എല്ലാ ദിവസവും ആളുകളുടെ എണ്ണം കൃത്യമായി പറയുന്നുണ്ട്. സര്‍ക്കാര്‍ ഏതു കാര്യമാണു മറച്ചു വയ്ക്കുന്നത്. സര്‍ക്കാരിനെ ബോധപൂര്‍വം അപകീര്‍ത്തിപ്പെടുത്താനുള്ള ശ്രമത്തിന്റെ ഭാഗമായുള്ള പ്രചാരണമാണിത്. സര്‍ക്കാരിന് ഇതില്‍ ഒന്നും ചെയ്യാനില്ല.കേരളം വിമാനങ്ങള്‍ക്ക് അനുമതി നല്‍കിയ കാര്യം താന്‍ പറഞ്ഞിരുന്നുവെന്നും മുഖ്യമന്ത്രി വ്യക്തമാക്കി.