പയ്യാവൂര്‍: കെ.എസ്.ആര്‍.ടി.സി ബസ് ചെമ്പേരി വഴി സര്‍വിസ് നടത്താന്‍ നടപടിയുണ്ടാകണമെന്ന് ചെമ്പേരി വൈ.എം.സി.എ യോഗം ആവശ്യപ്പെട്ടു. രാവിലെ കണ്ണൂരില്‍നിന്ന് ട്രെയിന്‍ കയറാന്‍ ചെമ്പേരി മേഖലയിലുള്ളവര്‍ ഇപ്പോള്‍ പുലര്‍ച്ചേ ടാക്‌സി വിളിച്ച് കൊക്കമുള്ളിലോ പുലിക്കുരുമ്പയിലോ എത്തേണ്ട സ്ഥിതിയാണുള്ളത്. മണ്ണംകുണ്ട്, ചെമ്പേരി, പുറഞ്ഞാണ്‍, പുലിക്കുരുമ്പ വഴി യാത്ര തുടര്‍ന്നാല്‍ ഏഴു കിലോമീറ്റര്‍ ദൂരം വരുന്ന പ്രദേശത്തേ നൂറുകണക്കിന് കുടുംബങ്ങള്‍ക്ക് ഏറെ പ്രയോജനമാകും. ഭാരവാഹികള്‍ കണ്ണൂര്‍ കെ.എസ്.ആര്‍.ടി.സി ഡിപ്പോ അധികൃതര്‍ക്ക് നിവേദനം നല്‍കിയിട്ടുണ്ട്. പ്രസിഡന്റ് സിബി പുന്നക്കുഴിയില്‍ അധ്യക്ഷനായി. മാത്യു എഴുതന വലയില്‍, ജോമി ചാലില്‍, മാത്യു അടുപ്പുകല്ലിങ്കല്‍, ജോഷി കുന്നത്ത് സംസാരിച്ചു.