മിലാന്‍: ദക്ഷിണ ഇറ്റലിയില്‍ രണ്ട് യാത്രാ ട്രെയിനുകള്‍ കൂട്ടിയിടിച്ചുണ്ടായ അപകടത്തില്‍ 20 പേര്‍ മരിച്ചു. നിരവധി പേര്‍ക്ക് പരുക്കേറ്റു. പുഗ്്‌ലിയ മേഖലയില്‍ ആന്‍ഡ്രിയ ടൗണിനടുത്താണ് അപകടം. ഒരേ ട്രാക്കില്‍ രണ്ടു ട്രെയിനുകള്‍ വന്നതാണ് അപകടത്തിനു കാരണം. സംഭവത്തില്‍ അന്വേഷണത്തിന് ഉത്തരവിട്ടതായി ഇറ്റാലിയന്‍ പ്രധാനമന്ത്രി മാറ്റിയോ റെന്‍സി പറഞ്ഞു. കാരണം കണ്ടെത്തുന്നതുവരെ അന്വേഷണം തുടരുമെന്നും അദ്ദേഹം അറിയിച്ചു. പരുക്കേറ്റ പിഞ്ചുകുട്ടികള്‍ ഉള്‍പ്പടെയുള്ളവരെ എയര്‍ ആംബുലന്‍സ് വഴി ആശുപത്രിയിലെത്തിച്ചു. പ്രാദേശിക സമയം രാവിലെ പതിന്നൊരയോടെയായിരുന്നു അപകടം. ഇരു ട്രെയിനുകളും നല്ലവേഗതയിലായിരുന്നുവെന്നും മനുഷ്യസഹജമായ പിഴവാണ് അപകട കാരണമെന്ന് സംശയിക്കുന്നതായും ഇറ്റാലിയന്‍ ഫയര്‍ഫോഴ്‌സ് ഉദ്യോഗസ്ഥര്‍ പറഞ്ഞു.