തൊടുപുഴ : മലപ്പുറം ലോക്‌സഭാ മണ്ഡലത്തില്‍ നിന്നും പാര്‍ലമെന്റിലേക്ക്  വന്‍ വിജയം നേടിയ യു.ഡി.എഫ് നേതാവും മുസ്‌ലിം ലീഗ് ദേശീയ ജനറല്‍ സെക്രട്ടറിയുമായ പി.കെ കുഞ്ഞാലിക്കുട്ടിയുടെ വിജയത്തില്‍ ആഹ്ലാദം പ്രകടിപ്പിച്ച് മുസ്‌ലിം ലീഗ് പ്രവര്‍ത്തകര്‍  ജില്ലയിലെ വിവിധ കേന്ദ്രങ്ങളില്‍ പ്രകടനവും പൊതു സമ്മേളനങ്ങളും സംഘടിപ്പിച്ചു.
 ഫല പ്രഖ്യാപന സമയം മുതല്‍ ജില്ലയിലെ മുസ്‌ലിം ലീഗ് പ്രവര്‍ത്തകര്‍ ആഹ്ലാദം പങ്കുവച്ചു. ഇന്നലെ വൈകിട്ട് തൊടുപുഴ മങ്ങാട്ടുകവലയില്‍ നിന്നും ആരംഭിച്ച പ്രകടനത്തിന് മുസ്‌ലിം ലീഗ് സംസ്ഥാന സെക്രട്ടറി ടി.എം സലീം, ജില്ലാ പ്രസിഡന്റ് കെ.എം.എ ഷുക്കുര്‍, സെക്രട്ടറി പി.കെ അബ്ദുല്‍ ഖാദര്‍, നിയോജക മണ്ഡലം നേതാക്കളായ പി.എം അബ്ബാസ്, കെ.എച്ച് അബ്ദുല്‍ ജബ്ബാര്‍, റ്റി.എസ് ഷംസുദ്ദീന്‍, പി.എം.എ. റഹീം, നഗരസഭ കൗണ്‍സിലര്‍മാരായ എ.എം ഹാരിദ്, ടി.കെ അനില്‍കുമാര്‍, കുമാരമംഗലം ഗ്രാമ പഞ്ചായത്ത് പ്രസിഡന്റ് നിസാര്‍ പഴേരി, യൂത്ത് ലീഗ് ജില്ലാ പ്രസിഡന്റ് ടി.കെ നവാസ്, സെക്രട്ടറി ഇ.എ.എം അമീന്‍, വൈസ് പ്രസിഡന്റ് പി.എച്ച് സുധീര്‍, എസ്.ടി.യു ജില്ലാ പ്രസിഡന്റ് പി.എന്‍. സീതി, ജനറല്‍ സെക്രട്ടറി കെ.എം സലീം, എം.എസ്.എഫ് സംസ്ഥാന സെക്രട്ടറി സല്‍മാന്‍ ഹനീഫ് , നിയോജക മണ്ഡലം യൂത്ത് ലീഗ് പ്രസിഡന്റ്  പി.എന്‍. നൗഷാദ്, പ്രവാസി ലീഗ് ജില്ലാ ജനറല്‍ സെക്രട്ടറി എ.എം സമദ്, മുന്‍സിപ്പല്‍ ലീഗ് പ്രസിഡന്റ് എം.എ കരീം, ട്രഷറര്‍ റ്റി.എച്ച് മുഹമ്മദ് എന്നിവര്‍ നേതൃത്വം നല്‍കി.
ടൗണ്‍ ചുറ്റി ഗാന്ധി സ്‌ക്വയറില്‍ പ്രകടനം സമാപിച്ചു. നെടുങ്കണ്ടത്ത് സംഘടിപ്പിച്ച പ്രകടനത്തിന് നേതാക്കളായ പി.എസ്. യൂനുസ്, കെ.കെ മജീദ്, പി.എച്ച് സെയ്തുമുഹമ്മദ് ഹാജിയും വണ്ടിപ്പെരിയാറില്‍ റ്റി.എച്ച് അബ്ദുല്‍ സമദ്, എം. മൈതീന്‍കുട്ടി ഹാജി നേതൃത്വം നല്‍കി.