കൊയിലാണ്ടി: കിണര്‍ കുഴിക്കുന്നതിനിടെ മണ്ണിടിഞ്ഞു വീണ് തൊഴിലാളി മരിച്ചു. കൊയിലാണ്ടി തെക്കേ കോമത്ത്കര നാരായണന്‍(57) ആണ് മരിച്ചത്. ചെങ്ങോട്ട് കാവ് അരങ്ങാടത്ത് ഇന്നലെയായിരുന്നു സംഭവം.
അഞ്ചു പേരായിരുന്നു ജോലിക്കുണ്ടായിരുന്നത്. രണ്ടുപേര്‍ താഴേയും ബാക്കിയുള്ളവര്‍ മുകളിലും പണിയെടുക്കുന്നതിനിടെ ഒരു ഭാഗം ഇടിയുകയായിരുന്നു.
ഫയര്‍ഫോഴ്‌സെത്തി മണ്ണുമാന്തി യന്ത്രം ഉപയോഗിച്ച് മൂന്നു മണിക്കൂറിനു ശേഷമാണ് മൃതദേഹം പുറത്തെടുത്തത്.
പരേതരായ ചെക്കോട്ടി, കല്യാണി എന്നിവരുടെ മകനാണ്. ഭാര്യ: ഗീത. മക്കള്‍: നിഖില്‍, നിധീഷ്. മരുമകള്‍ : അനിഷ്മ. സഹോദരങ്ങള്‍: ദാമോദരന്‍, ബാലന്‍, വല്‍സല, ഗീത, പരേതരായ ലീല, ശ്രീധരന്‍.