കാക്കനാട്: ഓട്ടോ ടാക്‌സി നിരക്ക് വര്‍ധന ഉള്‍പ്പെടെ വിവിധ ആവശ്യങ്ങള്‍ ഉന്നയിച്ചു സംയുക്ത ട്രേഡ് യൂനിയന്‍ നാളെ മുതല്‍ നടത്തുന്ന അനിശ്ചിതകാല പണിമുടക്കിന് ട്രാവല്‍ ഓപ്പറേറ്റേഴ്‌സ് അസോസിയേഷന്‍ ഓഫ് കേരള പിന്തുണ അറിയിച്ചു.അസോസിയേഷന്‍ പ്രസിഡന്റ് എം.എസ് അനില്‍കുമാറിന്റെ അധ്യക്ഷതയില്‍ ഇന്നലെ എറണാകുളത്ത് ചേര്‍ന്ന പൊതുയോഗത്തിലാണ് പണിമുടക്കിന് പിന്തുണ നല്‍കാന്‍ തീരുമാനിച്ചത്.
ട്രാവല്‍ ഓപ്പറേറ്റേഴ്‌സ് അസോസിയേഷന്‍ന്റെ എല്ലാ അംഗംങ്ങളും പണിമുടക്കില്‍ സഹകകരിക്കണമെന്നു യോഗം അഭ്യര്‍ത്ഥിച്ചു. ജനറല്‍ സെക്രട്ടറി എം പി വര്‍ഗീസ് ,ട്രഷറര്‍ ബാജി ജോസെഫ്,നേതാക്കളായ എസ്. സുര തുടങ്ങിയവര്‍ സംസാരിച്ചു.