കോട്ടക്കല്‍: സൈനുല്‍ ഉലമ എജ്യുക്കേഷണല്‍ ആന്‍ഡ് ചാരിറ്റബിള്‍ ട്രസ്റ്റിന് കീഴില്‍ കോട്ടക്കല്‍ പുത്തൂരില്‍ ആരംഭിക്കുന്ന ഷീറാസ് വുമന്‍സ് കോളജിന്റെ ഉദ്ഘാടനം ഇന്ന് നടക്കും.
വൈകിട്ട് 4.30ന് പാണക്കാട് സയ്യിദ് മുനവ്വറലി ശിഹാബ് തങ്ങള്‍ ഉദ്ഘാടനം ചെയ്യും. പ്ലസ്ടു കൊമേഴ്‌സ്, ഹ്യുമാനിറ്റീസ് പഠനത്തോടൊപ്പം ദാറുല്‍ഹുദ ഇസ്‌ലാമിക് യൂനിവേഴ്‌സിറ്റി അലുംനിയായ ഹാദിയ രൂപകല്‍പന ചെയ്ത മതപഠനവും നല്‍കുന്നുണ്ട്.
മതപഠനത്തിന് പ്രാധാന്യം നല്‍കി ഭൗതിക പഠനം നല്‍കുന്ന കോട്ടക്കല്‍ പ്രദേശത്തെ പ്രഥമ സംരഭമാണിതെന്ന് ഭാരവാഹികളായ സയ്യിദ് ഹാഷിറലി ശിഹാബ് തങ്ങള്‍, കെ.വി ജാഫര്‍ ഇന്ത്യനൂര്‍, അലി കെ. പുതുപ്പറമ്പ് എന്നിവര്‍ അറിയിച്ചു.