ബംഗളൂരു: എ.എഫ്.സി കപ്പ് ഗ്രൂപ്പ് ഇ പോരാട്ടത്തില്‍ തുടര്‍ച്ചയായ മൂന്നാം ജയം സ്വന്തമാക്കി ബംഗളൂരു എഫ്.സി ഗ്രൂപ്പില്‍ ഒന്നാമത്. മറുപടിയില്ലാത്ത രണ്ട് ഗോളുകള്‍ക്ക് അഭാനി ലിമിറ്റഡ് ധാക്കയെ കീഴടക്കിയാണ് ബംഗളൂരു ഏഷ്യന്‍ പോരാട്ടത്തിലെ കുതിപ്പ് തുടരുന്നത്. ഇരു പകുതികളിലായാണ് ബംഗളൂരു വല ചലിപ്പിച്ചത്. കളിയുടെ 40ാം മിനുട്ടില്‍ നിഷു കുമാര്‍ ബംഗളൂരുവിന് ലീഡൊരുക്കിയപ്പോള്‍ 82ാം മിനുട്ടില്‍ ജുഗോവിച് പട്ടിക പൂര്‍ത്തിയാക്കി.