ന്യൂഡല്‍ഹി: റോഡപകടത്തില്‍പെട്ട മാധ്യമപ്രവര്‍ത്തകനെ സ്വന്തം വാഹനത്തില്‍ കയറ്റി രാഹുല്‍ ഗാന്ധി ആശുപത്രിയില്‍ എത്തിച്ചു.
രാജസ്ഥാന്‍ കേന്ദ്രീകരിച്ച് പ്രസിദ്ധീകരിക്കുന്ന പത്രത്തിന്റെ ഉടമ രാജേന്ദ്ര വ്യാസിനാണ് അപകടത്തില്‍ പരുക്കേറ്റത്.
സെന്‍ട്രല്‍ ഡല്‍ഹിയിലെ ഹുമയൂണ്‍ റോഡില്‍വച്ചായിരുന്നു അപകടം. ഈ സമയം ഇതുവഴി പോയ രാഹുല്‍ ഗാന്ധി, പെട്ടെന്ന് തന്റെ വാഹനം നിര്‍ത്തി മാധ്യമപ്രവര്‍ത്തകനെ വാഹനത്തില്‍ കയറ്റി എയിംസ് ആശുപത്രിയില്‍ എത്തിക്കുകയായിരുന്നു.
രാഹുലിന്റെ സ്റ്റാഫിലുള്ള ഒരാള്‍ ഇത് വിഡിയോയില്‍ പകര്‍ത്തി സമൂഹ മാധ്യമങ്ങളിലൂടെ പങ്കുവയ്ക്കുകയും ചെയ്തു.
മാധ്യമപ്രവര്‍ത്തകന്റെ നെറ്റിയില്‍ സ്വന്തം ടൗവല്‍കൊണ്ട് രാഹുല്‍ തുടച്ചു നല്‍കുന്നതും സമൂഹ മാധ്യമങ്ങളില്‍ വൈറലായിട്ടുണ്ട്.