റിയാദ്: യമനിലെ ഔദ്യോഗിക സര്‍ക്കാരിന് വേണ്ടണ്ടി യുദ്ധത്തിലേര്‍പ്പെട്ട സഖ്യ സേനയിലെ നായകത്വം വഹിക്കുന്ന സഊദി അറേബ്യയുടെ യുദ്ധവിമാനം തകര്‍ന്നു നാല് ഉദ്യോഗസ്ഥരടക്കം 12 പേര്‍ കൊല്ലപ്പെട്ടു. തലസ്ഥാന നഗരിയായ സന്‍ആയുടെ കിഴക്കന്‍ മആരിബ് പ്രവിശ്യയിലാണ് സൈനിക നീക്കത്തിനിടെ ഹെലികോപ്റ്റര്‍ തകര്‍ന്നു വീണത്. അപകട കാരണം വ്യക്തമല്ല. സൈനികതലത്തില്‍ അന്വേഷണം പ്രഖ്യാപിച്ചിട്ടുണ്ട്.
ചൊവ്വാഴ്ചയാണ് അപകടം നടന്നതെന്നും അന്വേഷണം നടന്നതിന് ശേഷം കൂടുതല്‍ വിശദീകരണം നല്‍കാമെന്നും സഖ്യസേനാ തലവന്‍ മേജര്‍ ജനറല്‍ അഹ്മദ് അസീരി വ്യക്തമാക്കി. യമനില്‍ യുദ്ധം ആരംഭിച്ച ശേഷം നടക്കുന്ന ഏറ്റവും വലിയ അപകടമാണിത്.