ഭോപ്പാല്‍: സംസ്ഥാനത്ത് 24 നിയമസഭാ സീറ്റുകളിലേക്കു നടക്കാനിരിക്കുന്ന ഉപതെരഞ്ഞെടുപ്പുകളില്‍ ബാലറ്റ് പേപ്പര്‍ ഉപയോഗിക്കണമെന്ന ആവശ്യവുമായി മധ്യപ്രദേശ് കോണ്‍ഗ്രസ്. കൊവിഡ് വ്യാപന ഭീഷണിയുള്ള സാഹചര്യത്തില്‍ വോട്ടിങ് യന്ത്രം ഒഴിവാക്കണമെന്നാണ് തെരഞ്ഞെടുപ്പ് കമ്മിഷനോട് കോണ്‍ഗ്രസ് രേഖാമൂലം ആവശ്യപ്പെട്ടിരിക്കുന്നത്.

22 കോണ്‍ഗ്രസ് എം.എല്‍.എമാര്‍ രാജിവച്ച സീറ്റുകളിലേക്കടക്കമാണ് തെരഞ്ഞെടുപ്പ് നടക്കാനിരിക്കുന്നത്. എം.എല്‍.എമാരുടെ രാജിയോടെയായിരുന്നു കോണ്‍ഗ്രസ് സര്‍ക്കാര്‍ വീണത്.