കല്‍പ്പറ്റ: ലോക്‌സഭാ തെരഞ്ഞെടുപ്പിനുള്ള നാമനിര്‍ദേശ പത്രികാ സമര്‍പ്പണം തുടങ്ങിയ ആദ്യദിനത്തില്‍ വയനാട് ലോക്‌സഭാ മണ്ഡലത്തില്‍ ലഭിച്ചത് ഒരു പത്രിക. മലപ്പുറം അരീക്കോട് സ്വദേശി എന്‍. മുജീബ് റഹ്മാനാണ് വരണാധികാരികൂടിയായ ജില്ലാ കലക്ടര്‍ എ.ആര്‍ അജയകുമാറിന് മുന്‍പാകെ നാമനിര്‍ദേശ പത്രിക സമര്‍പ്പിച്ചത്. രാവിലെ 11 മുതല്‍ മൂന്ന് വരെയാണ് പത്രിക സ്വീകരിക്കുന്നത്. ഏപ്രില്‍ നാല് വരെ പത്രിക സ്വീകരിക്കും. സൂക്ഷ്മ പരിശോധന അഞ്ചിന് നടക്കും. നാമനിര്‍ദേശ പത്രിക പിന്‍വലിക്കാനുള്ള അവസാനദിവസം ഏപ്രില്‍ എട്ട് ആണ്.