വടകര: സെക്രട്ടേറിയറ്റ് മാര്‍ച്ചിനെതിരായ പൊലിസ് ലാത്തിച്ചാര്‍ജില്‍ പ്രതിഷേധിച്ച് കെ.എസ്.യു ആഹ്വാനം ചെയ്ത വിദ്യാഭ്യാസ ബന്ദ് വടകര മേഖലയില്‍ പൂര്‍ണം. കോളജുകളും സ്‌കൂളുകളും പ്രവര്‍ത്തിച്ചില്ല. പ്രതിഷേധത്തിന്റെ ഭാഗമായി കെ.എസ്.യു ബ്ലോക്ക് കമ്മിറ്റിയുടെ ആഭിമുഖ്യത്തില്‍ വടകരയില്‍ പ്രകടനവും പ്രതിഷേധ സംഗമവും നടത്തി. മുന്‍ ജില്ലാ പ്രസിഡന്റ് ദുല്‍ഖിഫില്‍ പ്രതിഷേധ സംഗമം ഉദ്ഘാടനം ചെയ്തു.
ബ്ലോക്ക് പ്രസിഡന്റ് ശ്രീനാഥ് അധ്യക്ഷനായി. അജിനാസ് താഴത്ത്, അതുല്‍ മണിയൂര്‍, വിഷ്ണു, അജ്മല്‍ സംസാരിച്ചു. പ്രതിഷേധ പ്രകടനത്തിന് അഖില്‍, ദില്‍രാജ്, അര്‍ജുന്‍ നേതൃത്വം നല്‍കി. ജസ്‌ന തിരോധാന അന്വേഷണം സി.ബി.ഐക്ക് വിടുക, സര്‍ക്കാര്‍ ഏറ്റടുത്ത പരിയാരം മെഡിക്കല്‍ കോളജിലെ ഫീസ് വെട്ടിക്കുറക്കുക തുടങ്ങിയ ആവശ്യങ്ങള്‍ ഉന്നയിച്ച് കെ.എസ്.യു സംസ്ഥാന കമ്മിറ്റി നടത്തിയ സെക്രട്ടേറിയറ്റ് മാര്‍ച്ചിനു നേരെയാണ് ലാത്തിച്ചാര്‍ജുണ്ടായത്.