കാഞ്ഞങ്ങാട്: കാഞ്ഞങ്ങാട് നഗരസഭാ കാര്യാലയം നവീകരിക്കുന്നു. നൂറുകണക്കിന് ആളുകള്‍ ആശ്രയിക്കുന്ന എല്ലാ ഓഫിസുകളും താഴെ നിലയിലേക്കു മാറ്റുന്ന നടപടി പുരോഗമിക്കുകയാണ്. ഓരോ വിഭാഗത്തിനും പ്രത്യേകമായ കാബിനുകളും കാത്തിരിപ്പ് സൗകര്യങ്ങളും ഒരുക്കി കഴിഞ്ഞു. വൃദ്ധര്‍ക്കും വിഭിന്ന ശേഷിക്കാര്‍ക്കും ഇത് ഏറെ ആശ്വാസപ്രദമാകും. ചവിട്ടുപടികള്‍ കയറി ചെയര്‍മാന്‍ അടക്കമുള്ളവരെ കാണാന്‍ അനുഭവിച്ച വിഷമങ്ങള്‍ക്കും ഇതോടെ പരിഹാരമാകും.
മഴയില്‍ ചെളികെട്ടി നിന്നിരുന്ന കാര്യാലയത്തിന്റെ മുറ്റത്ത് ഇന്റര്‍ലോക്കും പതിക്കുന്നുണ്ട്.