പെരിന്തല്‍മണ്ണ: ഗവ.ഗേള്‍സ് ഹയര്‍ സെക്കന്‍ഡറി സ്‌കൂളില്‍ മോഷണം. പൂട്ട് തകര്‍ത്ത് കയറിയ മോഷ്ടാക്കള്‍ ഓഫിസിനുള്ളിലെ ലാപ്‌ടോപ്പും മറ്റു അനുബന്ധ ഉപകരണങ്ങളും പണവും കവര്‍ന്നു. സ്‌കൂളിന്റെ പ്രധാന ബ്ലോക്കില്‍ പ്രവര്‍ത്തിക്കുന്ന ഓഫിസില്‍ ഉപയോഗത്തിലിരുന്ന ലാപ്‌ടോപ്പും പെയ്ന്‍ ആന്‍ഡ് പാലിയേറ്റീവിലേക്ക് വേണ്ടി വിദ്യാര്‍ഥികളില്‍ നിന്നും സ്വരൂപിച്ച പണമടങ്ങിയ ബോക്‌സുമാണ് അപഹരിച്ചത്. ഇന്നലെ പുലര്‍ച്ചയോടെയാണ് മോഷണമെന്നാണ് കരുതുന്നത്.
രാവിലെ സ്‌കൂളിലെത്തിയ അധ്യാപകരാണ് മോഷണം നടന്നതായി കണ്ടത്. പെരിന്തല്‍മണ്ണ പൊലിസ് സ്ഥലത്തെത്തി അന്വേഷണം ആരംഭിച്ചു.