നീലേശ്വരം: ജില്ലയിലെ പല കൂള്‍ബാറുകളും പ്രവര്‍ത്തിക്കുന്നതു വൃത്തിഹീനമായ അന്തരീക്ഷത്തിലാണ്. റോഡരികുകളില്‍ പ്രവര്‍ത്തിക്കുന്ന അവല്‍ മില്‍ക്ക് പോലുള്ള പാനീയങ്ങള്‍ വില്‍ക്കുന്ന ഇടങ്ങളും ശുചിയുള്ളതല്ല. പല കൂള്‍ബാറുകളിലും വഴിയോര പാനീയ വില്‍പനശാലകളിലും ഉപയോഗിക്കുന്നത് തോടുകളില്‍ നിന്നും മറ്റുമുള്ള വെള്ളമാണെന്നും എന്നാല്‍ ഇത്തരം കാര്യങ്ങള്‍ പരിശോധിക്കാന്‍ പലപ്പോഴും ഭക്ഷ്യസുരക്ഷാ വിഭാഗം തയാറാകാറാകുന്നില്ലെന്നു ആരോപണമുണ്ട്. പലപ്പോഴും ഭക്ഷ്യവിഷബാധ ഉണ്ടാകുമ്പോള്‍ മാത്രമാണ് പേരിനു പരിശോധന ഉണ്ടാകുന്നത്.