കല്‍പ്പറ്റ: കേരള സ്റ്റേറ്റ് സര്‍വീസ് പെന്‍ഷനേഴ്‌സ് യൂനിയന്‍ ജില്ലാ രജത ജുബിലി സമ്മേളനം കല്‍പ്പറ്റ മുനിസിപ്പല്‍ ടൗണ്‍ ഹാള്‍ എ.കെ മാധവന്‍ നമ്പ്യാര്‍ നഗറില്‍ സി.കെ ശശീന്ദ്രന്‍ എം.എല്‍.എ ഉദ്ഘാടനം ചെയ്തു.
എ.പി ചാക്കോ അധ്യക്ഷനായി. സംസ്ഥാന ജന.സെക്രട്ടറി രഘുനാഥന്‍ നായര്‍ മുഖ്യപ്രഭാഷണം നടത്തി. എന്‍.ജി.ഒ യൂനിയന്‍ കെ. ആനന്ദന്‍, ജില്ലാ പ്രസിഡന്റ് പി.എസ് ഗിരിഷ് കുമാര്‍ എന്നിവര്‍ സംസാരിച്ചു.
ജില്ലാ സെക്രട്ടറി എസ്.സി ജോണ്‍ സ്വാഗതവും കെ.എസ്.എസ്.പി.യു ബ്ലോക്ക് സെക്രട്ടറി എം.ഡി ദേവസ്യ നന്ദിയും പറഞ്ഞു. വനിതാ സമ്മേളനം ടി. ഉഷാകുമാരി ഉദ്ഘാടനം ചെയ്തു. ഉഷാ ബേബി അധ്യക്ഷയായി. മാഗി വിന്‍സെന്റ്, ലീലാഭായി മംഗലശ്ശേരി, ഗ്രേസി ജേക്കബ് എന്നിവര്‍ സംസാരിച്ചു. വൈകിട്ട് നടന്ന പ്രകടനത്തിന് എ.പി ചാക്കോ, എസ്.സി ജോണ്‍, എം.ഡി ദേവസ്യ, കെ.പി നാരായണന്‍ നമ്പ്യാര്‍, എം.സി കുര്യക്കോസ് എന്നിവര്‍ നേതൃത്വം നല്‍കി. പൊതു സമ്മേളനം കെ.എസ്.എസ്.പി.യു സംസ്ഥാന പ്രസിഡന്റ് എന്‍. സദാശിവന്‍ നായര്‍ ഉദ്ഘാടനം ചെയ്തു. എ.പി ചാക്കോ അധ്യക്ഷനായി. എം.സി കുര്യാക്കോസ്, എം.സി ജോണ്‍, എം. ചന്ദ്രന്‍ മാസ്റ്റര്‍ എന്നിവര്‍ സംസാരിച്ചു.