കല്‍പ്പറ്റ: വയനാട് വന്യജീവി സങ്കേതത്തിലെ കര്‍ഷക-ആദിവാസി കുടുംബങ്ങളെ വനത്തിനു പുറത്തേക്ക് മാറ്റുന്നതിനായി ആവിഷ്‌കരിച്ച സ്വയം സന്നദ്ധ പുനരധിവാസ പദ്ധതിയുടെ നിര്‍വഹണത്തിനു ആവശ്യമായ സംസ്ഥാന വിഹിതം ലഭ്യമാക്കുന്നതിനു അടിയന്തര നടപടി വേണമെന്ന് ആവശ്യപ്പെട്ട് വയനാട് പ്രകൃതി സംരക്ഷണ സമിതി പ്രസിഡന്റ് എന്‍ ബാദുഷ ചീഫ് സെക്രട്ടറി നളിനി നെറ്റോക്ക് നിവേദനം നല്‍കി. പകര്‍പ്പ് ചീഫ് വൈല്‍ഡ് ലൈഫ് വാര്‍ഡനടക്കം സംസ്ഥാന വനം-വന്യജീവി വകുപ്പിലെ ഉന്നത ഉദ്യോഗസ്ഥര്‍ക്കും നല്‍കിയിട്ടുണ്ട്. പദ്ധതി നിര്‍വഹണത്തിനു ആവശ്യമായ സംസ്ഥാന വിഹിതം സമയബന്ധിതമായി അനുവദിക്കുന്നതിന് ഇടപെടുമെന്ന് ഉദ്യോഗസ്ഥര്‍ ഉറപ്പുനല്‍കിയതായി പ്രസിഡന്റ് അറിയിച്ചു.