വാടാനപ്പള്ളി: വിദ്യാര്‍ഥിയെ പീഡിപ്പിച്ച കേസില്‍ മധ്യവയസ്‌കന്‍ പിടിയില്‍. തൃപ്രയാര്‍ വെണ്ണക്കല്‍ കടവിനടുത്ത് മന്ത്ര വീട്ടില്‍ രമേഷിനെ (44) ആണ് വാടാനപ്പള്ളി എസ്.ഐ കെ.ആര്‍ ബിജുവിന്റെ നേതൃത്വത്തിലുള്ള പൊലിസ് അറസ്റ്റു ചെയ്തത്.
വിദ്യാര്‍ഥിയുടെ രക്ഷിതാവ് നല്‍കിയ പരാതിയിലാണ് അന്വേഷണം നടത്തി പ്രതിയെ അറസ്റ്റ് ചെയ്തത്. സീനിയര്‍ സി.പി.ഒ അരുണ്‍കുമാര്‍, സി.പി.ഒമാരായ എന്‍.ആര്‍ സുനീഷ്, സിനോയ് എന്നിവരും അറസ്റ്റു ചെയ്ത പൊലിസ് സംഘത്തില്‍ ഉണ്ടായിരുന്നു.
കോടതിയില്‍ ഹാജരാക്കിയ പ്രതിയെ റിമാന്‍ഡ് ചെയ്തു.