തിരുവനന്തപുരം: സംസ്ഥാനത്തെ ബെവ്‌കോകണ്‍സ്യൂമ!ര്‍ഫെഡ് മദ്യവില്‍പനശാലകളും, സ്വകാര്യ ബാറുകളും, കള്ളുഷാപ്പുകളും നാളെ തുറന്നുപ്രവര്‍ത്തിക്കും.

ഞായറാഴ്ച ദിവസങ്ങളിലെ സമ്പൂര്‍ണ ലോക്ക് ഡൗണ്‍ നാളെ ബാധകമല്ലാത്ത സാഹചര്യത്തിലാണ് മദ്യവില്‍പനശാലകളും കള്ളുഷാപ്പുകളും തുറന്നുപ്രവര്‍ത്തിക്കാന്‍ എക്‌സൈസ് അനുമതി നല്‍കിയത്.

പ്രവേശന പരീക്ഷകള്‍ ഉള്‍പ്പെടെ വിവിധ പരീക്ഷകളും വിവിധ കോഴ്‌സുകളിലേക്ക് പ്രവേശന നടപടികളും നടക്കുന്നതിലാണ് ഞായറാഴ്ച ഏര്‍പ്പെടുത്തിയിരിക്കുന്ന നിയന്ത്രണങ്ങള്‍ ഒഴിവാക്കിയതെന്ന് ചീഫ് സെക്രട്ടറി ഡോ.ബിശ്വാസ് മേത്ത ഇറക്കിയ ഉത്തരവില്‍ പറയുന്നു. ആരാധനാലയങ്ങള്‍ തുറന്നതിനേയും പരീക്ഷകളെയും തുടര്‍ന്ന് കഴിഞ്ഞ ഞായറാഴ്ചയും ലോക്ക് ഡൗണില്‍ സര്‍ക്കാര്‍ ഇളവുകള്‍ പ്രഖ്യാപിച്ചിരുന്നു. കൊവിഡ് നിയന്ത്രണത്തിന്റെ ഭാഗമായാണ് ഞായറാഴ്ച സമ്പൂര്‍ണ ലോക്ക് ഡൗണ്‍ ആയി സംസ്ഥാന സര്‍ക്കാര്‍ പ്രഖ്യാപിച്ചിരുന്നത്.