മഞ്ചേരി: അനുദിനം സംസ്‌കാരമില്ലയ്മയുടെ അടയാളങ്ങളായി സമൂഹത്തില്‍ നടമാടിക്കൊണ്ടിരിക്കുന്ന പ്രവര്‍ത്തനങ്ങളെ തടയിടാന്‍ മതവിദ്യാഭ്യാസത്തിന് ഊന്നല്‍ നല്‍കണമെന്നും മതവിശ്വാസത്തെയും ആചാരങ്ങളെയും മുറുകെ പിടിച്ചുജീവിക്കാന്‍ തയാറാകണമെന്നും സമസ്ത ജനറല്‍ സെക്രട്ടറി കെ. ആലിക്കുട്ടി മുസ്‌ലിയാര്‍ പറഞ്ഞു.
ചെരണി പുല്ലൂര്‍ ശിഹാബ് തങ്ങള്‍ തഹ്ഫീളുല്‍ ഖുര്‍ആന്‍ സെന്റര്‍ ആദ്യ ബാച്ചിന്റെ പഠനാരംഭം ഉദ്ഘാടനം ചെയ്ത് സംസാരിക്കുകയായിരുന്നു അദ്ദേഹം.
ഹിഫ്‌ള് കോളജിന്റെ കെട്ടിടോദ്ഘാടനം പാണക്കാട് സയ്യിദ് സാദിഖലി ശിഹാബ് തങ്ങള്‍ നിര്‍വഹിച്ചു. ഒ.ടി മുസ്തഫ ഫൈസി അധ്യക്ഷനായി. അഡ്വ. എം. ഉമ്മര്‍ എം. എല്‍.എ മുഖ്യാതിഥിയായി.
ഉമര്‍ മുസ്‌ലിയാര്‍ തനിയംപുറം പ്രാര്‍ഥനക്ക് നേതൃത്വം നല്‍കി. ഖലീല്‍ ഹുദവി കാസര്‍കോഡ് മതപ്രഭാഷണം നടത്തി. ചാവക്കാട് മുഹമ്മദ് മുസ്‌ലിയാര്‍, അലി അക്ബര്‍, സലിം അന്‍വരി, അബ്ദുറസാഖ് ഫൈസി, കബീര്‍ ഫൈസി, അന്‍വര്‍ ഹുദവി, എം.എം സുലൈമാന്‍, അബ്ദു സമദ് മുസ്‌ലിയാര്‍, ഹാഫിള് മുബാറക് ജൗഹര്‍ ഹുദവി, സിയാദ് വാഫി കിഴിശ്ശേരി പങ്കെടുത്തു.