തൃശൂര്‍: വയനാട്ടില്‍ എന്‍.ഡി.എ സ്ഥാനാര്‍ഥി പൈലി വാത്യാട്ടിനെ മാറ്റി ബി.ഡി.ജെ.എസ് സംസ്ഥാന അധ്യക്ഷന്‍ തുഷാര്‍ വെള്ളാപ്പള്ളി സ്ഥാനാര്‍ഥിയായേക്കും. പകരം തൃശൂര്‍ ബി.ജെ.പിക്ക് വിട്ട് കൊടുത്തേക്കുമെന്നും റിപ്പോര്‍ട്ട്. ബി.ജെ.പി ദേശീയ അധ്യക്ഷന്‍ അമിത് ഷായുടെ നിര്‍ദേശ പ്രകാരമാണ് തുഷാര്‍ വയനാട്ടിലേക്ക് പോകുന്നതെന്നാണ് ബി.ഡി.ജെ.എസ് നേതാക്കള്‍ പറയുന്നത്.

നിലവില്‍ തൃശൂരിലെ സ്ഥാനാര്‍ഥിയായ തുഷാര്‍ വെള്ളാപ്പള്ളി മണ്ഡലത്തിലെ പ്രചാരണം താത്ക്കാലികമായി നിര്‍ത്തിവെച്ചിട്ടുണ്ട്.

തുഷാര്‍ തൃശൂരില്‍ നിന്ന് ഒഴിയുന്നതോടെ ബി.ജെ.പി ടിക്കറ്റില്‍ എം.ടി രമേശോ ബി.ഗോപാലകൃഷ്ണനോ മത്സരിക്കാനാണ് സാധ്യത.