കൂറ്റനാട്: സ്‌കൂള്‍ ബസ്സിന്റെ പിന്‍ ചക്രം ഊരിത്തെറിച്ച് അപകടം. പെരിങ്ങോട്-ചാലിശ്ശേരി റോഡില്‍ വെച്ച് പെരിങ്ങോട് അല്‍ അമീന്‍ സെന്‍ട്രല്‍ സ്‌കൂളിന്റെ ബസാണ് അപകടത്തില്‍പെട്ടത്. ബസിന് വേഗം കുറവായതിനാലും ഉടനെ ഡ്രൈവര്‍ ബസ് നിര്‍ത്തിയതിനാലും അപകടം ഒഴിവായി. 

വിദ്യാര്‍ഥികളുമായി സ്‌കൂളിലേക്ക് പോകുംവഴിയാണ് അപകടമുണ്ടായത്. ബസ്സില്‍ 20 അധികം വിദ്യാര്‍ഥികള്‍ ഉണ്ടായിരുന്നു. വിദ്യാര്‍ത്ഥികളെ പിന്നീട് അധികൃതര്‍ മറ്റൊരു ബസ്സില്‍ കയറ്റി സ്‌കൂളിലെത്തിച്ചു.