തൃശൂര്‍: കേരളത്തില്‍ കോലീബി സഖ്യമുണ്ടെന്ന് പറയുന്നവര്‍ വിഡ്ഢികളുടെ സ്വര്‍ഗത്തിലെന്ന് പ്രതിപക്ഷ ഉപനേതാവ് എം.കെ മുനീര്‍. അണ്ടത്തോട് തങ്ങള്‍പടിയില്‍ യു.ഡി.എഫ് സ്ഥാനാര്‍ഥി ടി.എന്‍ പ്രതാപന്റെ നാലാംഘട്ട പര്യടനം ഉദ്ഘാടനം ചെയ്ത് സംസാരിക്കുകയായിരുന്നു അദ്ദേഹം.

രാജ്യം കള്ളന്‍മാരുടെയും കൊള്ളക്കാരുടെയും കൈകളില്‍നിന്ന് രക്ഷപ്പെടണമെന്നാഗ്രഹിക്കുന്നവര്‍ യു.ഡി.എഫിനൊപ്പം നില്‍ക്കും. നരേന്ദ്ര മോദിയെപ്പോലുള്ള ഏകാധിപതിയായ പ്രധാനമന്ത്രി ഇന്ത്യയില്‍ ഇതിനുമുന്‍പുണ്ടായിട്ടില്ല.
കടിച്ചാല്‍ പൊട്ടാത്ത നുണകളുമായി കേരളം ഭരിക്കുന്ന പിണറായി സര്‍ക്കാരിന്റെ നയങ്ങള്‍ക്കെതിരേയുള്ള വിധിയെഴുത്ത് കൂടിയായിരിക്കും ഈ തെരഞ്ഞെടുപ്പെന്നും അദ്ദേഹം പറഞ്ഞു. ജലീല്‍ വലിയകത്ത് അധ്യക്ഷത വഹിച്ചു.
ഡി.സി.സി വൈസ് പ്രസിഡന്റ് ജോസ് വള്ളൂര്‍ മുഖ്യപ്രഭാഷണം നടത്തി. മുസ്്‌ലിം ലീഗ് സംസ്ഥാന സെക്രട്ടറി സി.എച്ച് റഷീദ്, ഒ. അബ്ദുറഹ്മാന്‍കുട്ടി, എം.പി വിന്‍സന്റ്, സി.എ റഷീദ് എന്നിവര്‍ സംസാരിച്ചു.