നോയിഡ: സര്‍ക്കാര്‍ ഉദ്യോഗസ്ഥരുടെ അനധികൃത സമ്പാദ്യങ്ങള്‍ കണ്ടെത്തുന്നതിനായി ഉത്തര്‍പ്രദേശില്‍ റെയ്ഡ്. ആദായ നികുതി വകുപ്പിന്റെ നേതൃത്വത്തിലാണ് റെയ്ഡ് നടത്തിയത്. കോടിക്കണക്കിന് രൂപയുടെ സ്വര്‍ണം, ആഡംബര വസ്തുക്കള്‍, വാഹനങ്ങള്‍, ഫ്‌ളാറ്റുകള്‍ തുടങ്ങിയവയുടെ രേഖകള്‍ പിടിച്ചെടുത്തിട്ടുണ്ട്.
കാന്‍പൂരിലെ അഡിഷനല്‍ സെയില്‍സ് ടാക്‌സ് കമ്മിഷനര്‍ കേശവ് ലാലിന്റെ നോയിഡയിലെ വീട്ടില്‍ നിന്ന് 10 കോടി രൂപയുടെ നോട്ടുകളും 10 കിലോ സ്വര്‍ണാഭരണങ്ങളും പിടിച്ചെടുത്തിട്ടുണ്ട്. ഔദ്യോഗിക പദവി ദുരുപയോഗം ചെയ്ത് കള്ളപ്പണം വെളുപ്പിക്കാന്‍ കൂട്ടുനിന്ന ഉത്തര്‍പ്രദേശ് രാജ്കിയ നിര്‍മാണ്‍ നിഗം ജനറല്‍ മാനേജറുടെ വസതിയില്‍ നിന്ന് 15 എന്‍.ഇ.ഡി ടിവികള്‍, ആഡംബര കാറുകള്‍ എന്നിവ കണ്ടെടുത്തു. ഇയാളുടെ ഒരു ഫാം ഹൗസും കണ്ടുകെട്ടിയിട്ടുണ്ട്. ഉദ്യോഗസ്ഥര്‍ക്കുപുറമെ വിവിധ രാഷ്ട്രീയപാര്‍ട്ടി നേതാക്കളുടെ വസതികളില്‍ നിന്നും കോടികളുടെ വസ്തുവകകള്‍ കണ്ടെത്തിയിട്ടുണ്ട്.