അമേരിക്കന്‍ പ്രസിഡന്റ് ഡൊണാള്‍ഡ് ട്രംപിനും ഇസ്‌റാഈല്‍ പ്രധാനമന്ത്രി ബെഞ്ചമിന്‍ നെതന്യാഹുവിനുമെതിരെ രൂക്ഷപ്രതികരണവുമായി ഇറാനിയന്‍ പണ്ഡിതന്‍ നാസര്‍ മകാരിം ഷിറാസി. ദൈവത്തിന്റെ ശത്രുക്കള്‍ എന്നാണ് അദ്ദേഹം അവരെ വിശേഷിപ്പിച്ചത്. ഇറാനോടും ഇറാന്റെ പരമോന്നത നേതാവിനോടും ചെയ്ത അതിക്രമത്തിന്റെ പേരില്‍ അവര്‍ ഖേദിക്കേണ്ടി വരുന്ന അവവസരം സൃഷ്ടിക്കണമെന്നും ലോകരാജ്യങ്ങളോട് അദ്ദേഹം ആഹ്വാനം ചെയ്തു. 

അമേരിക്കന്‍, ഇസ്‌റാഈല്‍ നേതാക്കളെ താഴെയിറക്കാന്‍ ഒന്നിച്ചു നില്‍ക്കണമെന്നും ലോകമെമ്പാടുമുള്ള മുസ്‌ലിം നേതൃത്വങ്ങളോട് അദ്ദേഹം ആവശ്യപ്പെട്ടു. ഇറാന്റെ ആത്മീയ നേതാവ് ആയത്തുല്ലാ ഖാംനഇക്കെതിരെ ട്രംപും നെതന്യാഹുവും നടത്തിയ അധിക്ഷേപ പരാമര്‍ശങ്ങള്‍ ചൂണ്ടിക്കാട്ടിയാണ് അദ്ദേഹത്തിന്റെ പ്രതികരണം. 

ALSO READ: കന്നുകാലികളെ കൊണ്ടുപോകുന്നത് തടഞ്ഞു; ശ്രീരാമസേനാ പ്രവര്‍ത്തകരെ മരത്തില്‍ കെട്ടിയിട്ടടിച്ച് നാട്ടുകാര്‍

ജൂണ്‍ 13 മുതല്‍ ഇറാന്റെ ആണവ കേന്ദ്രങ്ങള്‍, പ്രതിരോധ സംവിധാനങ്ങള്‍, ഉന്നത സൈനിക ഉദ്യോഗസ്ഥര്‍, ആണവ ശാസ്ത്രജ്ഞര്‍ തുടങ്ങിയവ ലക്ഷ്യമിട്ട് ഇസ്‌റാഈല്‍ നടത്തിയ ആക്രമണമാണ് സംഘര്‍ഷത്തിന് തുടക്കമിട്ടത്. പിന്നാലെ ഇറാന്‍ ശക്തമായി തിരിച്ചടിച്ചു. ഇസ്‌റാഈല്‍ ആക്രമണങ്ങളില്‍ നിരവധി സിവിലിയന്മാര്‍ ഉള്‍പ്പെടെ 627 പേരെങ്കിലും  കൊല്ലപ്പെട്ടുവെന്നാണ്  ഇറാന്റെ ആരോഗ്യ മന്ത്രാലയം അറിയിച്ചത്. സംഘര്‍ഷം രൂക്ഷമാകുന്നതിനിടെ അമേരിക്കയും ഇതില്‍ പങ്കാളിയായി. ഇറാന്റെ ആണവകേന്ദ്രത്തിന് നേരെ നേരിട്ട് ആക്രമണം നടത്തുകയായിരുന്നു അമേരിക്ക. അമേരിക്കക്കും ഇറാന്‍ ശക്തമായ തിരിച്ചടി നല്‍കി. ഇസ്‌റാഈലിന് നേരെയുള്ള ആക്രമണം ശക്തമാക്കിയും ഖത്തറിലെ യു.എസ് വ്യോമത്താവളത്തിന് നേരെ മിസേല്‍ അയച്ചുമാണ് അമേരിക്കയെ ഇറാന്‍ വിറപ്പിച്ചത്. ഒടുവില്‍ അമേരിക്ക തന്നെ മുന്നിട്ടിറങ്ങി ഇരുരാജ്യങ്ങള്‍ക്കുമിടയില്‍ വെടിനിര്‍ത്തല്‍ പ്രാബല്യത്തില്‍ വരുത്തുകയായിരുന്നു. 

ALSO READ: നരനായാട്ട് അവസാനിപ്പിക്കാതെ ഇസ്‌റാഈല്‍; ഇന്ന് മാത്രം കൊന്നൊടുക്കിയത് 72 ഫലസ്തീനികളെ 

അതിനിടെ, ഇരു രാജ്യങ്ങളും തമ്മിലുള്ള വെടിനിര്‍ത്തല്‍ കരാറില്‍ ഗൗരവമേറിയ സംശയം പ്രകടിപ്പിച്ച് ഇറാന്‍ കഴിഞ്ഞ ദിവസം രംഗത്തെത്തിയിരുന്നു.  ഈ മാസം ആദ്യം 12ദിവസത്തെ യുദ്ധം അവസാനിപ്പിച്ച വെടിനിര്‍ത്തല്‍ ഇസ്‌റാഈല്‍ പാലിക്കുമെന്ന് തങ്ങള്‍ക്ക് ബോധ്യമില്ലെന്ന് ഇറാന്റെ സായുധ സേനാ മേധാവി അബ്ദുള്‍റഹീം മൗസവി പറഞ്ഞത്. നിരവധി രാഷ്ട്രീയ പ്രവര്‍ത്തകരെ തടവിലാക്കിയ തെഹ്റാനിലെ എവിന്‍ ജയിലില്‍ തിങ്കളാഴ്ച ഇസ്‌റാഈല്‍ നടത്തിയ ആക്രമണത്തില്‍ കുറഞ്ഞത് 71 പേര്‍ കൊല്ലപ്പെട്ടതായ റിപ്പോര്‍ട്ട് ഇറാന്റെ ജുഡീഷ്യറി പുറത്തുവിട്ടതിന് പിന്നാലെയായിരുന്നു സേനാ മേധാവിയുടെ പരാമര്‍ശം.

ALSO READ: പട്ടിണിയില്‍ മരിച്ചത് 66 കുഞ്ഞുങ്ങള്‍; ദിവസവും ആശുപത്രിയില്‍ പ്രവേശിപ്പിക്കുന്നത് 112 കുട്ടികളെ; ഗസ്സയില്‍ ഇസ്‌റാഈല്‍ യുദ്ധം ചെയ്യുന്നത് പിഞ്ചു മക്കളോട്

'യുദ്ധം ആരംഭിച്ചത് ഞങ്ങളല്ല. എന്നാല്‍, ആക്രമണകാരിക്കെതിരില്‍ ഞങ്ങളുടെ എല്ലാ ശക്തിയും ഉപയോഗിച്ചു' - അദ്ദേഹം ചൂണ്ടിക്കാട്ടി. എന്നാല്‍  ശത്രുവിന്റെ വെടിനിര്‍ത്തല്‍ ഉള്‍പ്പെടെയുള്ള പ്രതിബദ്ധതകള്‍ പാലിക്കുന്നതില്‍ ഗുരുതരമായ സംശയങ്ങളുള്ളതിനാല്‍ ശക്തമായി പ്രതികരിക്കാന്‍ തങ്ങള്‍ ഇനിയും തയ്യാറാണെന്നും മൗസവിയെ ഉദ്ധരിച്ച് സ്റ്റേറ്റ് ടിവി റിപ്പോര്‍ട്ട് ചെയ്യുന്നു. ട്രംപ് തിടുക്കത്തില്‍ പ്രഖ്യാപിച്ച വെടിനിര്‍ത്തലിന് ആറു ദിവസത്തിന് ശേഷമാണ് അദ്ദേഹത്തിന്റെ പരാമര്‍ശം.

Top Iranian cleric Nasser Makarem Shirazi denounces US President Donald Trump and Israeli PM Benjamin Netanyahu as "enemies of God" over recent military escalations. Iran warns of more retaliation following attacks on nuclear and military sites. Ceasefire remains in doubt.