ദുബൈ: ഷാര്‍ജ ആസ്ഥാനമായി പ്രവര്‍ത്തിക്കുന്ന എയര്‍ അറേബ്യ മെഗാ സെയിലിന്റെ ഭാഗമായി 149 ദിര്‍ഹം മുതല്‍ ആരംഭിക്കുന്ന വണ്‍വേ ടിക്കറ്റ് നിരക്കുകള്‍ പ്രഖ്യാപിച്ചു. 2025 ജൂണ്‍ 30 മുതല്‍ ജൂലൈ 6 വരെ ബുക്ക് ചെയ്യുന്നവര്‍ക്കും 2025 ജൂലൈ 14 മുതല്‍ സെപ്റ്റംബര്‍ 30 വരെ യാത്ര ചെയ്യുന്നവര്‍ക്കും ഈ ഓഫര്‍ ലഭ്യമാകും.

ALSO READ: 3120 മീറ്ററില്‍ രണ്ട് പാലങ്ങള്‍, രണ്ട് തുരങ്കങ്ങള്‍; അല്‍സഫ സ്ട്രീറ്റ് നവീകരണ പദ്ധതിയാരംഭിച്ചു; യാത്രാ സമയം ഇനി മൂന്ന് മിനുട്ട് മാത്രം

ജിസിസി ലക്ഷ്യസ്ഥാനങ്ങളിലേക്കുള്ള ഓഫര്‍

• ഷാര്‍ജ-ബഹ്‌റൈന്‍, മസ്‌കത്ത്: വണ്‍വേ ടിക്കറ്റ് 149 ദിര്‍ഹം മുതല്‍
• ദമ്മാം, റിയാദ്, കുവൈത്ത്, സലാല: 199 ദിര്‍ഹം മുതല്‍
• അബഹ, തബൂക്ക്, യാന്‍ബു: 298 ദിര്‍ഹം മുതല്‍
• ദോഹ: 399 ദിര്‍ഹം മുതല്‍
• ജിദ്ദ, മദീന: 449 ദിര്‍ഹം മുതല്‍
• തായിഫ്: 574 ദിര്‍ഹം

ഇന്ത്യ, ബംഗ്ലാദേശ്, നേപ്പാള്‍ എന്നിവിടങ്ങളിലേക്കുള്ള യാത്രകള്‍ക്കും ആകര്‍ഷകമായ ഓഫറുകള്‍ ലഭ്യമാണ്.

• അബൂദബി-ചെന്നൈ: 275 ദിര്‍ഹം മുതല്‍
• ഷാര്‍ജ-അഹമ്മദാബാദ്: 299 ദിര്‍ഹം മുതല്‍
• അബൂദബി-കൊച്ചി: 315 ദിര്‍ഹം മുതല്‍
• ഷാര്‍ജ-ഡല്‍ഹി: 317 ദിര്‍ഹം മുതല്‍
• ഷാര്‍ജ-മുംബൈ: 323 ദിര്‍ഹം
• അബൂദബി-കൊച്ചി, തിരുവനന്തപുരം: 325 ദിര്‍ഹം
• ഷാര്‍ജ-കാഠ്മണ്ഡു: 449 ദിര്‍ഹം
• അബൂദബി-ധാക്ക: 499 ദിര്‍ഹം

ALSO READ: അംഗീകാരമില്ലാത്ത പരിപാടികള്‍, തിരക്കേറിയ താമസയിടങ്ങള്‍: ദുബൈയില്‍ പരിശോധന ശക്തമാക്കി

ശക്തമായ സാമ്പത്തിക പ്രകടനം

2025ലെ ഒന്നാം പാദത്തില്‍ (ജനുവരി-മാര്‍ച്ച്) 355 മില്യണ്‍ ദിര്‍ഹത്തിന്റെ അറ്റാദായം നേടിയതായി എയര്‍ അറേബ്യ അറിയിച്ചു. 2024ല്‍ ഇതേ കാലയളവില്‍ 266 മില്യണ്‍ ദിര്‍ഹമായിരുന്നു കമ്പനിയുടെ അറ്റാദായം. ഇതിനെ അപേക്ഷിച്ച് 34% വര്‍ധനവാണ് ഇത്തവണ രേഖപ്പെടുത്തിയത്. കമ്പനിയുടെ വിറ്റുവരവ് 1.75 ബില്യണ്‍ ദിര്‍ഹമായി ഉയര്‍ന്നതായും അധികൃതര്‍ അറിയിച്ചു. ഇക്കാലയളവില്‍ 4.9 ദശലക്ഷം യാത്രക്കാരാണ് എയര്‍ അറേബ്യയോടൊപ്പം യാത്ര ചെയ്തത്. ഈ മെഗാ സെയില്‍ ഓഫര്‍ പ്രയോജനപ്പെടുത്താന്‍ യാത്രക്കാര്‍ക്ക് എയര്‍ അറേബ്യയുടെ ഔദ്യോഗിക വെബ്‌സൈറ്റ് വഴി ബുക്കിംഗ് നടത്താം.

Air Arabia announces a mega sale with attractive discounts on various routes, including special offers on tickets to Kerala. Limited-time promotion aims to benefit budget travelers flying from the Gulf to India.