കോഴിക്കോട്: നടുവണ്ണൂരില്‍ ടൂറിസ്റ്റ് ബസ് മോഷണശ്രമ കേസില്‍ രണ്ടുപേരെ പൊലിസ് അറസ്റ്റ് ചെയ്തു. കഴിഞ്ഞ ദിവസം ആഞ്ഞോളിമുക്കില്‍ വെച്ചായിരുന്നു ബസ് മോഷ്ടിക്കാന്‍ ശ്രമം നടന്നത്. സംഭവത്തില്‍, കരുവണ്ണൂര്‍ സ്വദേശി കെ.കെ. രജീഷ് (39), അരിക്കുളം സ്വദേശി മുഹമ്മദ് ജാസില്‍ (23) എന്നിവരെ പേരാമ്പ്ര പൊലിസ് അറസ്റ്റ് ചെയ്തു. പ്രതികളെ കോടതി റിമാന്‍ഡ് ചെയ്തു.

കാവുന്തറ കുറ്റിയുള്ളതില്‍ നിയാസിന്റെ ഉടമസ്ഥതയിലുള്ള കെ.എല്‍. 52 ജി 2596 നമ്പര്‍ അല്‍-മനാമ ബസാണ് ഒരു സംഘം മോഷ്ടിക്കാന്‍ ശ്രമിച്ചത്. ഷെഡില്‍ പാര്‍ക്ക് ചെയ്തിരുന്ന ബസുമായി മോഷ്ടാക്കള്‍ കടന്നുകളയുകയായിരുന്നു.

ALSO READ: ഭരണഘടനയില്‍ കൈവെക്കാന്‍ ശ്രമിച്ചാല്‍ എല്ലാ ശക്തിയും ഉപയോഗിച്ച് എതിര്‍ക്കും; മല്ലികാര്‍ജ്ജുന്‍ ഖാര്‍ഗെ

തുടര്‍ന്ന്, കരുവണ്ണൂരിലെ ഒരു പെട്രോള്‍ പമ്പില്‍ ഇന്ധനം നിറയ്ക്കാന്‍ ബസ് നിര്‍ത്തിയ പ്രതികള്‍ ഫുള്‍ ടാങ്ക് ഡീസല്‍ അടിച്ച ശേഷം പണം നല്‍കാതെ ഇവര്‍ പേരാമ്പ്ര ഭാഗത്തേക്ക് വേഗത്തില്‍ വാഹനം ഓടിച്ചു പോയി. പമ്പിലെ ജീവനക്കാര്‍ ബഹളം വെച്ചതോടെ, നാട്ടുകാരും യാത്രക്കാരും ചേര്‍ന്ന് ബസിനെ പിന്തുടര്‍ന്ന് പേരാമ്പ്ര കൈതക്കലില്‍ വെച്ച് ബസ് തടഞ്ഞു.

എന്നാല്‍, പൊലിസ് എത്തുന്നതിന് മുമ്പ് ബസിലുണ്ടായിരുന്നവര്‍ രക്ഷപ്പെട്ടു. പേരാമ്പ്ര ഇന്‍സ്‌പെക്ടര്‍ പി. ജംഷീദിന്റെ നേതൃത്വത്തില്‍ എസ്.ഐമാരായ പി. ഷമീര്‍, എം. കുഞ്ഞമ്മദ്, സി.പി.ഒമാരായ കെ.കെ. ജയേഷ്, സിഞ്ജു ദാസ്, മണിലാല്‍, ബൈജു എന്നിവര്‍ ചേര്‍ന്നാണ് പ്രതികളെ പിടികൂടിയത്.

The Perambra police in Kozhikode have arrested two individuals, K.K. Rajish (39) from Karuvannur and Muhammad Jasil (23) from Arikulam, for attempting to steal a tourist bus at Anjolimmukku. The accused were taken into custody and subsequently remanded by the court ¹.