ദമാം: ഇരുപത് വര്‍ഷത്തിലധികമായി പ്രവാസ ജീവിതം നയിച്ച്‌ വന്ന എറണാകുളം സ്വദേശി ദമാമിൽ മരണപ്പെട്ടു. ആലുവ കുന്നുകര മാടശ്ശേരി പരേതനായ അലിയുടെയും ഫാത്തിമയുടെയും മകന്‍ അബ്ദുല്‍ ജലീല്‍(49) ആണ് നിര്യാതനായത്. ദമാം അബ്ദുല്ലാ ഫുവാദ് ഏരിയയില്‍ താമസിക്കുന്ന എല്‍&റ്റി കമ്പനിയില്‍ ഡ്രൈവര്‍ ആയ അബ്ദുല്‍ ജലീലിനു രാത്രി ദേഹാസ്വാസ്ഥ്യം അനുഭവപ്പെടുകയും ഉടന്‍ തന്നെ സുഹൃത്തുക്കള്‍ സമീപത്തുള്ള അൽമന  ജനറല്‍ ഹോസ്പിറ്റലില്‍ എത്തിച്ചു വെങ്കിലും രക്ഷപെടുത്താൻ കഴിഞ്ഞില്ല.

      കൊല്ലം പറമ്പില്‍ സീനത്താണ് ഭാര്യ. മുഹമ്മദ്‌ അഫ്രാഫ്‌ ഏകമകനാണ്. മൃതദേഹം സംസ്കരണത്തിനു നടപടി ക്രമങ്ങള്‍ക്ക്‌ കെഎം സിസി പ്രവര്‍ത്തകരും കമ്പനി അധികൃതരും രംഗത്തുണ്ട്.