തിരുവനന്തപുരം: സംസ്ഥാനത്ത് ഇന്ന് 152 പേര്‍ക്ക് കൊവിഡ് സ്ഥിരീകരിച്ചു. ആദ്യമായാണ് ഇത്രയും പേര്‍ക്കു സംസ്ഥാനത്ത് രോഗബാധയുണ്ടാകുന്നത്. ആറു ദിവസമായി നൂറിനു പുറത്താണ് കണക്ക്. ഓരോ ദിവസവും കണക്കുകള്‍ ഉയരുകയാണ്. 
രോഗം സ്ഥിരീകരിച്ചവരില്‍ 98 പേര്‍ വിദേശങ്ങളില്‍ നിന്നും വന്നവരാണ്. 46 പേര്‍ ഇതര സംസ്ഥാനത്തുനിന്നും വന്നവരുമാണ്. സമ്പര്‍ക്കത്തിലൂടെ ഇന്ന് എട്ടുപേര്‍ക്കാണ് രോഗം സ്ഥിരീകരിച്ചത്. ഇന്നു മാത്രം 288 പേരെയാണ് ആശുപത്രിയില്‍ പ്രവേശിച്ചത്. അതേ സമയം 81 പേര്‍ ഇന്നു രോഗമുക്തരായി.

4941 സാമ്പിളുകള്‍ ഇന്ന് പരിശോധിച്ചു. 3603 പേര്‍ക്ക് സംസ്ഥാനത്ത് ഇതുവരെ രോഗം സ്ഥിരീകരിച്ചു. 1691 പേര്‍ നിലവില്‍ ചികിത്സയിലുണ്ട്. 154759 പേരാണ് നിരീക്ഷണത്തിലുള്ളത്. 2282 പേര്‍ ആശുപത്രികളിലാണ്. ഇന്ന് മാത്രം 288 പേരെ ആശുപത്രിയില്‍ പ്രവേശിപ്പിച്ചു. ഇതുവരെ 148827 സാമ്പിളുകള്‍ പരിശോധനക്കയച്ചു. 4005 സാമ്പിളുകളുടെ ഫലം വരാനുണ്ട്. മുന്‍ഗണനാ വിഭാഗത്തിലെ 40537 സാമ്പിളുകള്‍ ശേഖരിച്ചു. 39113 നെഗറ്റീവായി.