കൊച്ചി: സ്റ്റുഡന്‍സ് പൊലിസ് കേഡറ്റ് പദ്ധതിയുടെ ഭാഗമായി കൊച്ചിന്‍ സിറ്റി പൊലിസ് നടത്തുന്ന ജില്ലാ സമ്മര്‍ ക്യാംപ് എറണാകുളം സെന്റ് ആല്‍ബര്‍ട്ട്‌സ് ഹയര്‍സെക്കന്‍ഡറി സ്‌കൂളില്‍ 17-4-17 മുതല്‍ നടന്നുവരികയാണ്. കേരള സന്ദര്‍ശനത്തിനായെത്തിയ ബീഹാര്‍ മുഖ്യമന്ത്രി നിതീഷ് കുമാര്‍ സ്റ്റുഡന്‍സ് പൊലിസ് കേഡറ്റ് പദ്ധതിയെക്കുറിച്ച് അറിയുന്നതിനായി ഇന്ന് രാവിലെ ക്യാംപ് സന്ദര്‍ശിക്കുകയും ക്യാംപില്‍ എത്തിയ മുഖ്യമന്ത്രിയെ കുട്ടികള്‍ പൂച്ചെണ്ട് നല്‍കി സ്വീകരിക്കുകയും ചെയ്തിട്ടുള്ളതാണ്. എറണാകുളം റെയ്ഞ്ച് ഐ.ജി.പി വിജയന്‍ പദ്ധതിയെക്കുറിച്ചും പദ്ധതി മുഖാന്തിരം സമൂഹത്തിനും വിദ്യാര്‍ഥികള്‍ക്കുമുണ്ടാകുന്ന നന്മകളെക്കുറിച്ചും ബീഹാര്‍ മുഖ്യമന്ത്രിയോട് വിവരിക്കുകയും ഈ കാര്യങ്ങള്‍ കേട്ടുമനസ്സിലാക്കിയ മുഖ്യമന്ത്രി സ്റ്റുഡന്‍സ് പൊലിസ് കേസ് പദ്ധതി ബീഹാറില്‍ തുടങ്ങുന്നതിനുള്ള മുന്നോടിയായി കേരള ഡി.ജി.പിയുമായി സംസാരിക്കുമെന്നറിയിച്ചിട്ടുള്ളതാണ്.