വാഷിങ്ടണ്‍: അമേരിക്കയിലെ തെക്കന്‍ സംസ്ഥാനമായ അര്‍ക്കന്‍സാസില്‍12 വര്‍ഷത്തിനുശേഷം ആദ്യ വധശിക്ഷ നടപ്പാക്കി. കൊലപാതകകുറ്റത്തിന് യു.എസ് സുപ്രിംകോടതി വധശിക്ഷ വിധിച്ച ലെഡല്‍ ലീയെയാണ് വ്യാഴാഴ്ച രാത്രി മാരകവിഷം കുത്തിവച്ച് കൊലപ്പെടുത്തിയത്.
വിഷം കുത്തിവച്ച് വധശിക്ഷ നടപ്പാക്കുന്നത് കോടതിയില്‍ ഒരു ജഡ്ജി എതിര്‍ത്തതിനെ തുടര്‍ന്ന് ശിക്ഷാനടപടി നിര്‍ത്തിവച്ചിരുന്നു.
എന്നാല്‍, വധശിക്ഷ റദ്ദാക്കണമെന്ന് ആവശ്യപ്പെട്ട് സമര്‍പ്പിച്ച നിരവധി ഹരജികള്‍ സുപ്രിംകോടതി തള്ളിയതിനു പിറകെ ശിക്ഷ നടപ്പാക്കുകയായിരുന്നു.