കോട്ടയം: നാട്ടകത്തു കണ്ടെത്തിയ മൃതദേഹാവശിഷ്ടം വൈക്കത്തുനിന്നു കാണാതായ ജിഷ്ണു ഹരിദാസിന്റേത്. മൃതദേഹത്തിലെ വസ്ത്രങ്ങളും ചെരുപ്പും ബന്ധുകള്‍ തിരിച്ചറിഞ്ഞിട്ടുണ്ട്. എസ്.പി.സി.എസിന്റെ ലിറ്റററി മ്യൂസിയം നിര്‍മിക്കുന്നതിനായി കാട് വൃത്തിയാക്കുന്നതിനിടെയാണ് അസ്ഥി കൂടം കണ്ടെത്തിയത്. പുളിമരത്തിന്റെ ചുവട്ടിലായി പാന്റും അടിവസ്ത്രവും ധരിച്ച നിലയിലായിരുന്നു വെള്ളിയാഴ്ച മറിയപ്പള്ളിയിലെ സാഹിത്യ പ്രസാധക സഹകരണസംഘത്തിന്റെ ഉടമസ്ഥതയിലുള്ള സ്ഥലത്ത് അസ്ഥികൂടം കണ്ടെത്തിയത്.

അതേസമയം ജിഷ്ണുവിന്റെ മരണത്തില്‍ ദുരൂഹതയുണ്ടെന്ന് ബന്ധുകള്‍ ആരോപിച്ചു. ഈ മാസം മൂന്നിനാണ് ജിഷ്ണുവിനെ കാണാതായത്. പുളിമരത്തില്‍ തൂങ്ങി മരിച്ച നിലയിലാണു അസ്ഥികൂടം കണ്ടെത്തിയത്.