മാനന്തവാടി: ഈ കഴിഞ്ഞ വിഷു ഈസ്റ്റര്‍ കാലയളവില്‍ കെ.എസ്.ആര്‍.ടി.സി മാനന്തവാടി ഡിപ്പോയില്‍ ലഭിച്ചത് 1.25 കോടിയോളം രൂപ.
വിഷു തലേന്നായ 13ന് 10,94, 241 ലക്ഷം രൂപയും 14ന് 7,60,678 രൂപയും 15ന് 8,53 145 ലക്ഷവും ഈസ്റ്റര്‍ ദിനത്തില്‍ 7,52,8123 രൂപയും 17ന് 10,85,428 രൂപയും 18ന് 11,46,269 രൂപയുമാണ് ലഭിച്ചത്. ആറു ദിവസങ്ങളിലായി 1,24, 67,884 രൂപയാണ് വരുമാനം. ജന്റം ബസിന്റേതുള്‍പ്പെടെയാണ് ഈ വരുമാനം. സംസ്ഥാനതലത്തില്‍ കെ.എസ്.ആര്‍.ടി.സിക്ക് റെക്കോര്‍ഡ് വരുമാനം ലഭിച്ചത് 17ാം തീയതി ആയിരുന്നെങ്കിലും മാനന്തവാടി ഡിപ്പോക്ക് 18നാണ് കൂടുതല്‍ കളക്ഷന്‍ ലഭിച്ചത്. കോഴിക്കോട് ഉള്‍പ്പെടെയുള്ള ദീര്‍ഘദൂര സര്‍വിസുകളും ഗ്രാമീണ സര്‍വിസുകളും കൃത്യമായി നടന്നതാണ് വരുമാനം വര്‍ധിക്കാന്‍ കാരണം.