കൊല്‍ക്കത്ത : സമസ്ത കേരള ജംഇയ്യത്തുല്‍ ഉലമ ജനറല്‍ സെക്രട്ടറി കെ.ആലിക്കുട്ടി മുസ്‌ലിയാര്‍ക്ക് ബംഗാളിലെ വിവിധ സ്ഥലങ്ങളില്‍ ഗംഭീര വരവേല്‍പ്പ്. ബോണ്‍ഗോണിലെ ആയിരങ്ങള്‍ പങ്കെടുത്ത സ്വീകരണ സമ്മേളനങ്ങളില്‍ മൗലാനാ ഖലീല്‍ ഇബ്രാഹിം, മൗലാനാ നൂറുല്‍ ഇസ്‌ലാം, ഇദ്‌രിസ് അലി മണ്ഡേല്‍ എന്നിവര്‍ നേതൃത്വം നല്‍കി.
സ്വീകരണ പരിപാടികള്‍ക്കൊപ്പം വിവിധ പ്രദേശങ്ങളിലെ നാല് മസ്ജിദുകളുടെ ഉദ്ഘാടനം കെ.ആലിക്കുട്ടി മുസ്‌ലിയാര്‍ നിര്‍വഹിച്ചു. വെസ്റ്റ് ബംഗാളിലെ 24 പര്‍ഗാനാസ് നോര്‍ത്ത് ജില്ലയിലെ ഗണേഷ്പൂര്‍ ജുമാമസ്ജിദ്, പുസ്തിഗട്ട ജുമാമസ്ജിദ്, അശൂര്‍നട്ട് ജുമാമസ്ജിദ്, ദംദമാ ജുമാമസ്ജിദ് എന്നീ മസ്ജിദുകളാണ് ആലിക്കുട്ടി മുസ്‌ലിയാര്‍ ഉദ്ഘാടനം ചെയ്തത്. കുണ്ടൂര്‍ മര്‍കസ് പ്രിന്‍സിപ്പല്‍ പി.കെ അബ്ദുല്‍ഗഫൂര്‍ ഖാസിമി, സയ്യിദ് അബ്ദുറഹിമാന്‍ ജിഫ്രി തങ്ങള്‍, വല്ലപ്പുഴ ജി.എം സ്വലാഹുദ്ദീന്‍ ഫൈസി, വെസ്റ്റ്ബംഗാള്‍ മുസ്‌ലിം ലീഗ് സെക്രട്ടറി ശരീഫ്, അബ്ദുല്ല മാസ്റ്റര്‍, എം.വീരാന്‍ഹാജി പൊട്ടച്ചിറ, സയ്യിദ് ഹസന്‍ സഖാഫ് തങ്ങള്‍, സയ്യിദ് മുഈനുദ്ദീന്‍ ഹുദവി, ടി.റിയാസുദ്ദീന്‍, കെ.പി നാസര്‍, ടി.അബ്ദുസ്സമദ്, മുഹമ്മദലി, ടി.അബ്ദുല്‍ഹമീദ് എന്നിവര്‍ ആലിക്കുട്ടി മുസ്‌ലിയാരെ അനുഗമിച്ചു.