നിലമ്പൂര്‍: വടപുറം പാലത്തിന് സമീപം കെ.എന്‍.ജി റോഡില്‍ കാര്‍ നിയന്ത്രണം വിട്ട് മറിഞ്ഞ് കുട്ടികള്‍ ഉള്‍പ്പടെ കുടുംബത്തിലെ ആറുപേര്‍ക്ക് പരുക്ക്. മഞ്ചേരി സ്വദേശികളായ സലാമത്ത് മന്‍സില്‍ തൗഹീര്‍ (34), ഭാര്യ മുഹ്‌സിന (26), മക്കളായ അസ്മ മന്‍ഹ (ഏഴ്), നിഷ (അഞ്ച്), തൗഹിറിന്റെ സഹോദരി അനൂപ (38), മക്കന്‍ ഫന (ഏഴ്) എന്നിവര്‍ക്കാണ് പരുക്കേറ്റത്. ഇവരെ നിലമ്പൂര്‍ ജില്ലാ ആശുപത്രിയില്‍ പ്രവേശിപ്പിച്ചു. ആരുടെയും പരുക്ക് സാരമുള്ളതല്ല.
ശനിയാഴ്ച ഉച്ചക്ക് പന്ത്രണ്ടോടെയാണ് അപകടം. എടക്കരയില്‍നിന്നു മഞ്ചേരിയിലെ വീട്ടിലേക്ക് മടങ്ങുന്നതിനിടെയാണ് അപകടം.
കനത്തമഴയില്‍ കാര്‍ നിയന്ത്രണം വിട്ട് റോഡരികിലെ ഡ്രൈനേജിലേക്ക് മറിയുകയായിരുന്നു. കാറിന്റെ മുന്‍ഭാഗം പാടെ തകര്‍ന്നു. നാട്ടുകാരാണ് പരുക്കേറ്റവരെ ആശുപത്രിയിലെത്തിച്ചത്.

ത്.