ശ്രീനഗര്‍: ജമ്മു കശ്മിരില്‍ ഗോ സംരക്ഷകരുടെ ആക്രമണത്തില്‍ ഒന്‍പത് വയസ്സുള്ള പെണ്‍കുട്ടിയടക്കം അഞ്ചു പേര്‍ക്ക് പരുക്ക്. ജമ്മു കശ്മിരിലെ രേസി ജില്ലയില്‍ വെള്ളിയാഴ്ച്ച വൈകീട്ടാണ് സംഭവം.

തല്‍വാര മേഖലയിലൂടെ നാടോടി കുടുംബം കന്നുകാലികളുമായി സഞ്ചരിക്കുമ്പോഴാണ് ആക്രമണമുണ്ടായത്. ഇവരെ തടഞ്ഞുനിര്‍ത്തിയശേഷം ഇരുമ്പു ദണ്ഡുപയോഗിച്ച് മര്‍ദ്ദിക്കുകയായിരുന്നു.

മര്‍ദ്ദനമേറ്റ് ഒന്‍പതുവയസുകാരിക്ക് ഗുരുതരമായി പരുക്കേറ്റു. തങ്ങളുടെ പശു, ആട്, ചെമ്മരിയാട് എന്നിവയടക്കമുള്ളവയെ സംഘം കൊണ്ടുപോയതായും കുടുംബം പറഞ്ഞു.

സംഭവത്തില്‍ കേസെടുത്തിട്ടുണ്ടെന്നും അഞ്ച് അക്രമികളെ തിരിച്ചറിഞ്ഞിട്ടുണ്ടെന്നും പൊലിസ് അറിയിച്ചു.