ദുബൈ: എസ്.കെ.എസ്.എസ്.എഫ്. യു.എ.ഇ നാഷണല്‍ കമ്മിറ്റിയുടെ നാലാമത്തെ ചാര്‍ട്ടേഡ് വിമാനം ദുബായ് എസ് കെ എസ് എസ് എഫ് കണ്ണൂര്‍ ജില്ലാ കമ്മിറ്റിയുടെ സഹകരണത്തോടെ റാസല്‍ഖൈമ ഇന്റര്‍നാഷണല്‍ എയര്‍പോര്‍ട്ടില്‍ നിന്ന് 177 യാത്രക്കാരുമായി കണ്ണൂരില്‍ പറന്നിറങ്ങി. യാത്രക്കാര്‍ക്കു ആവശ്യമായ പി പി ഇ കിറ്റും കോവിഡ് ടെസ്റ്റും ഭക്ഷണവും സൗജന്യമായി നല്‍കിയാണ് യാത്ര അയച്ചത്.

യാത്രക്കാര്‍ക്ക് യു.എ.ഇ നാഷണല്‍ എസ്.കെ.എസ്.എസ്.എഫ്്, ദുബായ് എസ്.കെ.എസ്.എസ്.എഫ് നേതാക്കളുടെ നേതൃത്വത്തില്‍ ഹൃദ്യമായ യാത്രയയപ്പ് നല്‍കി. ദേര യൂണിയന്‍ ഏരിയയില്‍ നിന്നും നേതാക്കളായ ഹൈദര്‍ ഹുദവി, നുഹ്മാന്‍ തിരൂര്‍, അബ്ദുല്‍ ഖാദര്‍ ഫൈസി, മുഹമ്മദ് സഈദ് തളിപ്പറമ്പ, റഫീഖ് പുളിങ്ങോം, മഹമൂദ് ചെറുപ്പറമ്പ, ജില്ലാ ജനറല്‍ സിക്രട്ടറി ഹാരിസ് രാമന്തളി,വിഖായ മെമ്പര്‍മാര്‍ എന്നിവര്‍ യാത്രയപ്പിനു നേതൃത്വം നല്‍കി.