കോട്ടയം: ചങ്ങനാശേരി അതിരൂപത നിയുക്ത സഹായമെത്രാന്‍ മാര്‍ തോമസ് തറയിലിന്റെ മെത്രാഭിഷേകം ഇന്ന് ഉച്ചകഴിഞ്ഞ് രണ്ടു മുതല്‍ ങ്ങനാശേരി സെന്റ് മേരീസ് മെത്രാപ്പോലീത്തന്‍ പള്ളിയില്‍ .
മെത്രാഭിഷേക ചടങ്ങുകള്‍ക്കു ചങ്ങനാശേരി ആര്‍ച്ച് ബിഷപ് മാര്‍ ജോസഫ് പെരുന്തോട്ടം മുഖ്യകാര്‍മികത്വം വഹിക്കും.  ആര്‍ച്ച് ബിഷപ് മാര്‍ ജോസഫ് പൗവ്വത്തില്‍, മാര്‍ ജോസഫ് കല്ലറങ്ങാട്ട് എന്നിവര്‍ സഹകാര്‍മികരായിരിക്കും. കെ.സി.ബി.സി ചെയര്‍മാന്‍ ആര്‍ച്ച് ബിഷപ് ഡോ. സൂസപാക്യം വചനസന്ദേശം നല്‍കും.
സി.ബി.സി.ഐ അധ്യക്ഷന്‍ മേജര്‍ ആര്‍ച്ച് ബിഷപ് കര്‍ദിനാള്‍ ബസേലിയോസ് മാര്‍ ക്ലിമിസ് മെത്രാപ്പോലീത്താ അനുഗ്രഹപ്രഭാഷണവും ക്‌നാനായ സുറിയാനി സഭ ആര്‍ച്ച് ബിഷപ് കുര്യാക്കോസ് മാര്‍ സേവേറിയോസ് വലിയമെത്രാപ്പോലീത്ത അനുമോദന പ്രസംഗവും നടത്തും.
പത്രസമ്മേളനത്തില്‍ ചാന്‍സിലര്‍ റവ.ഡോ. ടോം പുത്തന്‍കളം, റവ.ഡോ. വര്‍ഗീസ് താനമാവുങ്കല്‍, പിആര്‍ഒ ജോജി ചിറയില്‍, പ്രസ്ബിറ്ററല്‍ കൗണ്‍സില്‍ സെക്രട്ടറി റവ.ഡോ. ജോബി മൂലയില്‍, ഫാ. ആന്റണി തലച്ചല്ലൂര്‍, പാസ്റ്ററല്‍ കൗണ്‍സില്‍ സെക്രട്ടറി പ്രഫ. സോണി കണ്ടങ്കരി എന്നിവര്‍ പങ്കെടുത്തു.