കുന്നംകുളം : ഭക്ഷ്യസുരക്ഷ കമ്മിഷ്ണറുടെ നിര്‍ദേശത്തെ തുടര്‍ന്ന് കുന്നംകുളം മത്സ്യമാര്‍ക്കറ്റില്‍ ഭക്ഷ്യ സുരക്ഷ വകുപ്പ് വ്യാപക പരിശോധന നടത്തി.
ഇന്നലെ പുലര്‍ച്ചയോടെ മാര്‍ക്കറ്റിലെത്തിയ സംഘം സ്ട്രിപ്പ് ഉപയോഗിച്ച് ഫോര്‍മാലിനും അമോണിയയും അടങ്ങിയിട്ടുണ്ടോ എന്ന് പരിശോധന നടത്തിയത്.
വിവിധതരം മത്സ്യങ്ങള്‍ പരിശോധിച്ചെകിലും രാസവസ്ത്തുക്കളുടെ സാനിധ്യം കണ്ടെത്താന്‍ കഴിഞ്ഞില്ല.
കുന്നംകുളം മാര്‍ക്കറ്റില്‍ തമിഴ്‌നാട്ടില്‍ നിന്നും കൊല്ലം, കൊച്ചി, ചാവക്കാട്, കണ്ണൂര്‍ എന്നിവിടങ്ങളില്‍ നിന്നുമാണ് മത്സ്യം എത്തുന്നത്.
നാല് തരം മത്സ്യങ്ങളുടെ സാമ്പിളുകള്‍ ശേഖരിച്ച് കാക്കനാട് ഭക്ഷ്യ സുരക്ഷ വകുപ്പിന് കീഴിലുള്ള റീജണല്‍ അനലറ്റിക്കല്‍ ലബോറട്ടറിയില്‍ പരിശോധനക്ക് അയച്ചു.
കൂടുതല്‍ സൂക്ഷ്മപരിശോധനക്കായി കേന്ദ്ര സര്‍ക്കാരിന് കീഴിലുള്ള സെന്ററല്‍ ഇന്‍സ്റ്റിട്യുട്ട് ഓഫ് ഫിഷേഴ്‌സ് ടെക്‌നോളജിയിലേക്കും പരിശോധനക്ക് അയച്ചു.
നിരന്തര പരിശോധനയുടെ ഭാഗമായി രാസവസ്ത്തുക്കളുടെ സാനിധ്യം കുറഞ്ഞ് വരുന്നുണ്ടെന്ന് ഭക്ഷ്യ സുരക്ഷ ഉദ്യോഗസ്ഥര്‍ വ്യക്തമാക്കി.
മത്സ്യത്തില്‍ ഉപയോഗിക്കുന്ന ഐസ് നിര്‍മാണ യൂനിറ്റിലും സംഘം പരിശോധന നടത്തി.
ജില്ലാ ഫുഡ് സേഫ്റ്റി അസി. കമ്മിഷ്ണര്‍ ജി. ജയശ്രി, ഓഫിസര്‍മാരായ പി. യു ഉദയ ശങ്കര്‍, വി.കെ പ്രദീപ് കുമാര്‍, അനിലന്‍ കെ.കെ എന്നിവര്‍ പരിശോധനക്ക് നേതൃത്വം നല്‍കി.