കുന്നംകുളം : വീട്ടില്‍ പാര്‍ക്ക് ചെയ്തിരുന്ന വാഹനം അടിച്ചു തകര്‍ത്തു.
കുന്നംകുളം യേശുദാസ് റോഡില്‍ കാരേക്കാട്ട് ചാക്കുണ്ണിയുടെ വീട്ടിലാണ് ആക്രമണം ഉണ്ടായത്.
പുലര്‍ച്ചെ രണ്ടോടെയായിരുന്നു സംഭവം. ബൈക്കിലെത്തിയ രണ്ടുപേര്‍ വീട്ടുമുറ്റത്തു പാര്‍ക്ക് ചെയ്തിരുന്ന കാറിന്റെ ചില്ലുകള്‍ അടിച്ച് തകര്‍ക്കുകയായിരുന്നു. ശബ്ദം കേട്ടു വീട്ടുകാര്‍ പുറത്തിറങ്ങിയതോടെ ആക്രമികള്‍ രക്ഷപെട്ടു.
പുതുതായി ഇവിടെ ആരംഭിച്ച ബിവറേജില്‍ നിന്നും മദ്യം വാങ്ങി വീടിന്റെ പരിസരത്തു ഇരുന്നു മദ്യം കഴിക്കുന്നത് രണ്ടാഴ്ച മുന്‍പ് ചാക്കുണ്ണി ചോദ്യം ചെയ്തിരുന്നു. ഇതിന്റെ വൈരാഗ്യമാകാം സംഭവത്തിനു കാരണമെന്ന് പറയുന്നു. പൊലിസില്‍ പരാതി നല്‍കി.