മുക്കം: കാരശ്ശേരി പഞ്ചായത്തിലെ പാറത്തോട് കൊളക്കാടന്‍ മലയില്‍ ഉണ്ടായ തീപിടുത്തത്തില്‍ 200 റബര്‍ തൈകള്‍ കത്തിനശിച്ചു. ഇന്നലെ വൈകിട്ട് 3.30 ഓടെയാണ് സംഭവം. അടിക്കാടുകള്‍ക്ക് തീപിടിച്ച് റബര്‍ തോട്ടങ്ങളിലേക്ക് പടരുകയായിരുന്നു. കാസിം മുത്താലം, ഗോപി കൊല്ലംപാറ, നാസര്‍ കല്‍പ്പൂര്‍ എന്നിവരുടെ തോട്ടത്തിലെ റബര്‍ തൈകളാണ് കത്തിനശിച്ചത്. ഉടന്‍ മുക്കത്ത് നിന്നെത്തിയ അഗ്‌നിശമന സേന തീ നിയന്ത്രണവിധേയമാക്കിയതിനാല്‍ കൂടുതല്‍ നാശനഷ്ടങ്ങള്‍ ഉണ്ടായില്ല. മുക്കം ഫയര്‍മാന്‍ ജയപ്രകാശിന്റെ നേതൃത്വത്തിലുള്ള സംഘമാണ് തീയണക്കുന്നതിന് നേതൃത്വം നല്‍കിയത്.