തിരൂരങ്ങാടി: നിര്‍ധരര്‍ക്ക് കൈത്താങ്ങായി പതിനാറുങ്ങല്‍ ഗ്രാമം വാട്‌സ്ആപ്പ് കൂട്ടായ്മ ഒരുക്കിയ ആംബുലന്‍സ് സമര്‍പ്പണവും സഹായധന വിതരണവും തദ്ദേശ സ്വയംഭരണ വകുപ്പ് മന്ത്രി ഡോ. കെ.ടി. ജലീല്‍ നിര്‍വഹിച്ചു.
 ചടങ്ങില്‍ ധനസഹായ വിതരണം നഗരസഭ വൈസ് ചെയര്‍മാന്‍ എം. അബ്ദുറഹ്മാന്‍കുട്ടിയും ഐ.ഡി.കാര്‍ഡ് വിതരണം സിഡ്‌കോ ചെയര്‍മാന്‍ നിയാസ് പുളിക്കലകത്തും നിര്‍വ്വഹിച്ചു. തേനത്ത് മുഹമ്മദലി അധ്യക്ഷനായി.  ഡോ. ഷാജഹാന്‍, ജനപ്രതിനിധികള്‍, വിവിധ രാഷ്ട്രീയ പാര്‍ട്ടി പ്രതിനിധികള്‍,  സാംസ്‌കാരിക രംഗത്തെ പ്രമുഖര്‍ പാലിയേറ്റീവ് കെയര്‍, കുടുംബശ്രീ, ആശാ വര്‍ക്കേഴ്‌സ് എന്നിവര്‍ സംബന്ധിച്ചു. കെ.പി.എം. ഷാഫി, ബഷീര്‍ പറങ്ങോടത്ത് സംസാരിച്ചു.