വടകര: ബൈക്ക് മോഷ്ടാവായ യുവാവ് പൊലിസിന്റെ പിടിയിലായി. ബാലുശ്ശേരി ഉരൂള്‍കുന്നുമ്മല്‍ യാസര്‍ അഷ്‌റഫിനെയാണ് (19) വടകര സി.ഐ വിശ്വംഭരന്റെ നേതൃത്വത്തിലുള്ള സംഘം പിടികൂടിയത്. വടകര റെയില്‍വേ സ്റ്റേഷന്‍ പരിസരത്തു സംശയാസ്പദമായ രീതിയില്‍ ചുറ്റിത്തിരിഞ്ഞ യുവാവിനെ പൊലിസ് കസ്റ്റഡിയിലെടുത്ത് ചോദ്യം ചെയ്യുകയായിരുന്നു.
കൊയിലാണ്ടി, താമരശ്ശേരി, അരീക്കോട്, വയനാട് എന്നിവിടങ്ങളില്‍ നിന്നായി നാലു ബജാജ് പള്‍സര്‍ ബൈക്കുകള്‍ മോഷ്ടിച്ചതായി പ്രതി പൊലിസിനോട് സമ്മതിച്ചു. പുതിയ പള്‍സര്‍ ബൈക്കുകള്‍ നോക്കി വച്ച് മോഷണം നടത്തുകയാണ് പ്രതിയുടെ രീതി. ബൈക്ക് മോഷ്ടിക്കാനാണ് ഇയാള്‍ വടകര റെയില്‍വേ സ്റ്റേഷന്‍ പരിസരത്ത് എത്തിയതെന്നാണ് പൊലിസ് നിഗമനം.