മലപ്പുറം :സമസ്ത കേരള ജംഇയ്യത്തുല്‍ മുഅല്ലിമീന്‍ മലപ്പുറം ഈസ്റ്റ് ജില്ലാ സമ്മേളനം ഡിസംബര്‍ 22, 23, 24 തിയതികളില്‍ പെരിന്തല്‍മണ്ണ സയ്യിദ് അബ്ദുറഹ്മാന്‍ ബാഖഫി തങ്ങള്‍ നഗറില്‍ വെച്ച് നടത്തുവാന്‍ ജില്ലാകമ്മിറ്റി തീരുമാനിച്ചു. 'ഇസ്‌ലാം വെളിവുമാണ്'  എന്ന പ്രമേയത്തില്‍ നടത്തുന്ന സമ്മേളനത്തോടനുബന്ധിച്ച്  മദ്‌റസാ തലം മുതല്‍ ജില്ലാതലം വരെയുള്ള വിപുലമായ പ്രചാരണ പ്രവര്‍ത്തനങ്ങള്‍ സംഘടിപ്പിക്കുന്നതാണ്. സമ്മേളനത്തിന്റെ വിജയത്തിനു 25ന് പട്ടിക്കാട് ജാമിഅ നൂരിയ്യ കാംപസില്‍ സംഘാടക സമിതി രൂപീകരിക്കും.
സമസ്തയുടെയും പോഷകഘടകങ്ങളുടെയും സംസ്ഥാന, ജില്ലാ നേതാക്കള്‍ സംബന്ധിക്കും.