നന്തിബസാര്‍: കടലൂരില്‍ സി.പി.എം-ലീഗ് സംഘര്‍ഷത്തിന് അയവില്ല. കഴിഞ്ഞദിവസം സി.പി.എമ്മിന്റെ കൊടിമരം സാമൂഹ്യദ്രോഹികള്‍ നശിപ്പിച്ചിരുന്നു.
ഇത് മുസ്‌ലിം ലീഗ് പ്രവര്‍ത്തകരാണെന്നാരോപിച്ച് ലീഗിന്റെ കൊടിമരങ്ങളും ബസ് സ്റ്റോപ്പും അടിച്ചുതകര്‍ക്കുകയായിരുന്നു. പുളിമുക്കിലെ ടി.കെ മഹ്മൂദ് സ്മാരക ബസ് സ്റ്റോപ്പാണ് തകര്‍ത്തത്. കഴിഞ്ഞദിവസം ആരണ്യമുക്കിലെ സി.പി.എം പ്രവര്‍ത്തകന്റെ വീടിനു നേരെ ലീഗ് പ്രവര്‍ത്തകര്‍ പടക്കമെറിഞ്ഞ് മതില്‍ തകര്‍ന്നിരുന്നു. രാഷ്ട്രീയ സംഘര്‍ഷം നിലനില്‍ക്കുന്ന ഇവിടെ ജനങ്ങള്‍ ആശങ്കയിലാണ്. ജനങ്ങള്‍ക്ക് സുരക്ഷ ഉറപ്പു വരുത്താനും അക്രമികളെ കണ്ടെത്താനും അധികാരികള്‍ തയാറാവണമെന്നാണ് നാട്ടുകാര്‍ പറയുന്നത്. എന്നാല്‍ ഇരുപാര്‍ട്ടികളും അക്രമത്തിന്റെ ഉത്തരവാദിത്തം ഏറ്റെടുക്കാതെ പരസ്പരം പഴിചാരുകയാണ്.